నాపై తప్పుడు ప్రచారం.. నాకు ఏ పదవీ వద్దు..!

తనపై వస్తోన్న తప్పుడు వార్తలపై ప్రముఖ నటుడు, వైసీపీ నేత పోసాని కృష్ణమురళి స్పందించారు. ఈ సందర్భంగా ఆయన మాట్లాడుతూ.. కావాలనే కొంతమంది సోషల్ మీడియాలో తనపై తప్పుడు ప్రచారం చేస్తున్నారన్నారు. నేను ఆరోగ్యంగా ఉన్నానని.. ఒకప్పుడు ఆపరేషన్‌ జరిగిన మాట వాస్తవమే.. కానీ.. తాజాగా నాకు ఎలాంటి ఆపరేషన్‌లు జరగలేదని స్పష్టం చేశారు. అలాగే.. తాజా పాలిటిక్స్‌పై కూడా ఆయన స్పందించారు. జగన్మోహన్‌ రెడ్డి పార్టీ ప్రారంభించినప్పటి నుంచీ.. నేను, రోజాగారు ఆయనతోనే ఉన్నామన్నారు. జగన్.. సీఎం అవడానికి.. ఉడతా భక్తిగా సాయం చేశానని.. నేను ఏ పదవీ ఆశించలేదని తెలిపారు. కానీ.. సీఎం జగన్.. ఏ పదవి చేయమంటే.. ఆ పదవి చేస్తానని.. అందులో ఆలోచించాల్సిన విషయం లేదని వ్యాఖ్యానించారు. జగన్.. మంచి వ్యక్తి.. ఆయనకు మంచి క్యారెక్టర్‌ ఉంది.. అందుకే.. నేను సహాయమందించానని అన్నారు. ప్రజలకు అనుగుణంగా.. సమర్థవంతంగా సీఎం జగన్.. పనిచేస్తున్నారని తెలిపారు పోసాని కృష్ణమురళి.