India vs England: పింక్ బాల్ మ్యాచ్‌పై టీమిండియా సారథి విరాట్ కోహ్లీ కీలక వ్యాఖ్యలు..
Ind vs Eng: పింక్ టెస్టుకు వేదికైన మొతేరా పిచ్ స్పిన్కు సహకరిస్తుందని విశ్లేషకులు అంచనా వేస్తున్నారు. టీమిండియా సారథి విరాట్ కోహ్లీ మాత్రం పేసర్లకూ అవకాశాలు కొట్టి పారేయలేమని..
Pink Ball: పింక్ టెస్టుకు వేదికైన మొతేరా పిచ్ స్పిన్కు సహకరిస్తుందని విశ్లేషకులు అంచనా వేస్తున్నారు. టీమిండియా సారథి విరాట్ కోహ్లీ మాత్రం పేసర్లకూ అవకాశాలు కొట్టి పారేయలేమని అభిప్రాయపడ్డాడు. నాలుగు టెస్టుల సిరీస్లో ఇరు జట్లు 1-1 ఆధిక్యంతో ఉన్నాయి.
మొతేరా స్టేడియంలో ఫిబ్రవరి 24న జరుగనున్న మూడో టెస్టు ఆసక్తికరంగా మారింది. మొతేరా స్టేడియం పిచ్ స్పిన్కు సహకరిస్తుందా? లేదా అన్నదే ఇప్పడు అందరి ప్రశ్న. బంతి పాతబడేంత వరకు స్వింగ్కు సహకరిస్తుందనేది కోహ్లీ అంచనా వేస్తున్నాడు.
“బంతి కచ్చితంగా స్వింగ్ అవుతుందా అనేది చెప్పలేము. కానీ, పేసర్లు కూడా కీలక పాత్ర పోషిస్తారు. ఎరుపు బంతితో పోలిస్తే గులాబీ బంతి ఎక్కువగా స్వింగ్ అవుతుంది. 2019లో బంగ్లాదేశ్తో ఆడిన పింక్ టెస్టు ద్వారా మాకు ఈ విషయం అర్థమైంది” అని టీమిండియా కెప్టెన్ వెల్లడించాడు.
బంతి ఒకవేళ సీమ్కు అనుకూలిస్తే.. అది తమకు కలిసొస్తుందన్న ఇంగ్లాండ్ జట్టు అంచనాపై కోహ్లీ ఇలా కామెంట్ చేశాడు. ఇంగ్లాండ్ జట్టులోనూ చాలా మైనస్ పాయింట్లు ఉన్నాయన్నాడు. ఇంగ్లాండ్ జట్టు బలాబలాలపై విశ్లేష చేశాడు. గతంలో వాది దేశంలో వారిని ఓడించామన్నాడు. అయితే కొత్తగా నిర్మించిన స్టేడియంలో పిచ్ పేసర్లకు సహకరిస్తే అది వారికి మాత్రమే కాదు మాక్కూడా సహయోగపడుతుందని అన్నాడు.
“పర్యటక జట్టులోనూ చాలా బలహీనతలు ఉన్నాయి. ఇంగ్లాండ్ టీమ్ బలాలు, బలహీనతల గురించి మాకు అవసరం లేదు. గతంలో వారి దేశంలోనే వారిని ఓడించాము. ఒకవేళ పిచ్ పేసర్లకు సహకరిస్తే అది వారికి మాత్రమే కాదు.. మాక్కూడా ఉపయోగమే. కొత్తగా నిర్మించిన స్టేడియంలో ఇరు జట్లకు చాలా విషయాలపై అవగాహన లేదు. పేసర్లకు, స్పిన్నర్లకు పింక్ బాల్ ఎలా సహకరిస్తుందనే దానిపైనే ఇండియా బలం ఆధారపడి ఉంది. మా జట్టులోనూ అత్యుత్తమ బౌలర్లు ఉన్నారు. ఏది ఎలా ఉన్నా మేము ఆడటానికి సిద్ధమే”-విరాట్ కోహ్లీ, భారత కెప్టెన్.
మొతేరా పిచ్ స్పిన్కు సహకరిస్తుందని భారత సీనియర్ బ్యాట్స్మెన్ రోహిత్ శర్మ ఇదివరకే తన అభిప్రాయం వ్యక్తం చేశాడు.
ఇది కూడా చదవండి
India vs England: ఓ అద్భుతం.. ఓ వీక్షణం.. మొతెరా స్టేడియంలో ఎన్నో ప్రత్యేకతలు.. ఓ సారి చూద్దాం..
