Banana Halwa Recipe: సింపుల్ అండ్ టేస్టీ గా అరటికాయ హల్వా తయారీ విధానం ..

Banana Halwa Recipe: అరటికాయతో ఆంధ్రాలో ఎక్కువగా కూరలు చేస్తారు. ఇక కోనసీమలో అయితే.. అరటికాయ కుర్మాని లంక మాంసం అని ముద్దుగా పిలుచుకుంటున్నారు. అరటికాయతో పులుసు, వేపుడు, పచ్చడి వంటి కూరలే కాదు.. హల్వా వంటి స్వీట్ ను కూడా తయారు చేసుకోవచ్చు. ఈ రోజు అరటికాయ హల్వా తయారీ విధానం తెలుసుకుందాం

కావాల్సిన పదార్ధాలు :

అరటికాయలు నెయ్యి పంచదార (బెల్లం) పాలు బాదం కిస్మిస్ జీడిపప్పు యాలకుల పొడి పచ్చికొబ్బరి లేదా కోవా

తయారీ విధానం:

ముందుగా అరటికాయల్ని కుక్కర్లో పెట్టి ఉడికించి తీసుకోవాలి అవి చల్లారిన తర్వాత పొట్టు తీసి లోపలి గుజ్జును మెత్తగా మెదుపుకోవాలి. మూకుడులో నెయ్యి వేసి మొదట బాదం , కిస్మిస్ , జీడిపప్పు పలుకులు వేయించి పక్కన పెట్టుకోవాలి. తర్వాత ఆ నెయ్యిలో ఉడికించిన అరటి కాయ గుజ్జు వేసి చిన్న మంటమీద కలర్ మారే వరకు వేయిస్తూ ఉండాలి . ఈలోపు వేయించిన పలుకులను చిన్నగా కట్ చేసి పెట్టుకోవాలి . ఇప్పుడు కొన్ని పాలు ,చెక్కర లేదా బెల్లం వేసి కొద్దిగా నెయ్యి కూడా వేసి కలుపుతూ ఉండాలి .అలా అరటికాయ, పాలు మిశ్రమంనికి పచ్చికొబ్బరి లేదా కోవా వేసి ఆ మిశ్రమం గట్టిపడి మూకుడుకు అంటుకోకుండా ఉండేవరకు కలుపుతూ ఉండాలి .వేయించిన పలుకులు, యాలకుల పొడి వేసి మరోసారి కలిపి ఏదైనా ప్లేట్ లోకి తీసుకోవాలి .(ఇష్టముంటే కలర్ కూడా వేసుకోవచ్చు తర్వాత ఒక ప్లేట్ లో నూనె రాసి ఆ మిశ్రమాన్ని సమానంగా పరచాలి.. చల్లారిన తర్వాత ఇష్టమున్న షేప్ లో చాకుతో గాట్లు పెట్టి తీసుకోవచ్చు .