Android New Features: త్వరలో ఆండ్రాయిడ్‌లో కొత్త ఫీచర్లు.. వీటి ఉపయోగం తెలిస్తే ఆశ్చర్యపోవాల్సిందే..
Android New Features: ఆండ్రాయిడ్ ఆపరేటింగ్ సిస్టమ్‌లో పలు కొత్త ఫీచర్లను తీసుకురావడానికి గూగుల్‌ ప్రయత్నిస్తోంది. ఈ క్రమంలోనే రానున్న రోజుల్లో పలు కీలక ఫీచర్లను అందుబాటులోకి తీసుకురానుంది. ఆ లేటెస్ట్‌ ఫీచర్లు ఏంటో చూసేయండి..
ప్రపంచవ్యాప్తంగా ఆండ్రాయిడ్ ఫోన్లకు ఎంత క్రేజ్‌ ఉందో ప్రత్యేకంగా చెప్పాల్సిన పనిలేదు. ఈ ఆపరేటింగ్ సిస్టమ్‌లో ఉన్న యూజర్‌ ఫ్రెండ్లీ ఫీచర్లే దీనికి కారణంగా చెప్పవచ్చు. ఇదిలా ఉంటే తాజాగా ఆండ్రాయిడ్ మరికొన్ని ఫీచర్లను జోడించింది. ఆ కొత్త ఫీచర్లు ఏంటి.? వాటి ఉపయోగం ఏంటన్న విషయాలు ఇప్పుడు తెలుసుకుందాం..
1 / 5
ఫ్యామిలీ బెల్‌: ఈ ఫీచర్‌తో కుటుంబంతో కలిసి బ్రేక్‌ఫాస్ట్‌, లంచ్‌, హాలిడే లాంటివి ప్లాన్‌ చేసుకోవచ్చు. దీంతో కుటుంబ సభ్యుల రిమైండర్స్‌ను, రోజువారీ షెడ్యూళ్లను మానిటర్‌ చేసుకోవచ్చు. ఈ కొత్త ఫీచర్‌ ఆండ్రాయిడ్ ఆపరేటింగ్ సిస్టమ్‌తో నడిచే అన్ని గ్యాడ్జెట్లలలో అందుబాటులోకి రానుంది.
2 / 5
గూగుల్‌ ఫోటోస్‌: గూగుల్‌ ఫోటోస్‌ ఇప్పటికే అందుబాటులో ఉన్న విషయం తెలిసిందే. అయితే తాజాగా మరో కొత్త ఫీచర్‌ను దీనికి జోడించనున్నారు. మెమోరీస్‌ పేరుతో తీసుకురానున్న ఈ ఫీచర్‌.. మీ మెమోరీస్‌ను ఫోటో గ్రిడ్‌ రూపంలో చూపిస్తుంది.
3 / 5
డిజిటల్ కార్‌ కీ: స్మార్ట్‌ఫోన్‌ సహాయంతో కార్లను లాక్‌, అన్‌లాక్‌ చేయడానికి గూగుల్‌ డిజిటల్ ఆటోమోటివ్ కీను అందుబాటులోకి తీసుకురానుంది. ఇందులో భాగంగా మొదట.. బీఎమ్‌డబ్ల్యూ వాహనాల కోసం పిక్సెల్‌ 6, పిక్సెల్‌ 6 ప్రో, శాంసంగ్‌ గెలాక్సీ ఎస్‌21 స్మార్ట్‌ఫోన్లలో ఎంపిక చేసిన కొన్ని దేశాల్లో విడుదల చేయనున్నారు. అంటే ఇకపై స్మార్ట్‌ ఫోన్‌తోనే కారును అన్‌లాక్‌ చేసుకోవచ్చన్నమాట.
4 / 5
జీబోర్డ్‌ ఎమోజీ కీబోర్డ్‌: ఇప్పటికే జీబోర్డ్‌ పేరుతో అప్‌డేటేడ్‌ కీబోర్డ్‌ను తీసుకొచ్చిన గూగుల్‌.. తాజాగా మరో అప్‌డేట్‌ను తీసుకురానుంది. ఈ ఫీచర్‌తో మీరు ఇతరులకు చెప్పదల్చుకున్న విషయాలను రెండు ఎమోజీలను ఒకే ఎమోజీగా కనవర్ట్‌ చేసి సెండ్‌ చేయొచ్చు. మూడు వారాల్లో ఈ ఫీచర్‌ అందుబాటులోకి రానుంది.
