ఆరోగ్య కార్యకర్తలకు రూ.50 లక్షల ప్రమాద భీమా : గోవా సీఎం

కరోనా వైరస్ కట్టడికి కేంద్ర, రాష్ట్ర ప్రభుత్వాలు కట్టుదిట్టమైన చర్యలు చేపడుతోంది. కొవిడ్ బాధితులకు సేవలందిస్తున్నా ఫ్రంట్ వారియర్స్ రక్షణ కల్పిస్తూ భరోసా నింపుతోంది గోవా సర్కార్. గోవాలో రోజురోజుకూ కరోనా వైరస్ పాజిటివ్ కేసుల సంఖ్య పెరుగుతుంది. ఈ నేపథ్యంలో గోవా ప్రభుత్వం మరో కీలక నిర్ణయం తీసుకుంది. ఆరోగ్య కార్యకర్తలకు గోవా సర్కార్ రూ. 50 లక్షల బీమా సౌకర్యాన్ని విస్తరించింది. కొవిడ్-19కు వ్యతిరేకంగా పోరాడుతున్న ఆరోగ్య కార్యకర్తలందరికీ రూ. 50 లక్షల బీమా వర్తిస్తుందని గోవా ముఖ్యమంత్రి ప్రమోద్ సావంత్ ఆదివారం తెలిపారు. అలాగే, ప్రధాన్ మంత్రి గారిబ్ కళ్యాణ్ యోజన కింద ఈ బీమా రక్షణ కల్పిస్తున్నట్లు ఆయన వెల్లడించారు. గోవాలోని ఆరోగ్య కార్యకర్తలందరికీ రూ. 50 లక్షల భీమా కవరేజీని విస్తరించిందని సావంత్ ట్వీట్ చేశారు. కోవిడ్-19 వల్ల గానీ కరోనా వైరస్ సంబంధిత విధుల కారణంగా ప్రమాదవశాత్తు ప్రాణనష్టం కలిగిన ఆరోగ్య కార్యకర్తకు రూ. 50 లక్షల బీమా రక్షణను అందిస్తుందన్నారు. ఆరోగ్య , కుటుంబ సంక్షేమ మంత్రిత్వ శాఖ నిర్వహిస్తున్న జాతీయ విపత్తు నిధి ద్వారా ఈ పథకానికి నిధులు సమకూరుతాయని సీఎం ప్రమోద్ సావంత్ పేర్కొన్నారు.