హైదరాబాద్‌లో తగ్గిన కంటైన్మెంట్ జోన్లు.. తాజా లిస్టు ఇదే.!

Hyderabad Containment Zones: తెలంగాణలో కరోనా వైరస్ వ్యాప్తి కొనసాగుతోంది. అయితే గ్రేటర్ పరిధిలో పాజిటివ్ కేసుల సంఖ్య తగ్గుముఖం పడుతూ వస్తోంది. గత నాలుగు రోజులుగా 500 కంటే తక్కువ కేసులు నమోదవుతుండటం ప్రజలకు కాస్త ఊరటను ఇస్తోంది. ఇక జీహెచ్ఎంసీ పరిధిలో కరోనా కేసులు తగ్గుతుండటంతో.. కంటైన్మెంట్ జోన్ల సంఖ్య కూడా తగ్గుతోంది.

జూలై 30 నాటికి గ్రేటర్ హైదరాబాద్‌లో 92 కంటైన్మెంట్ జోన్లు ఉండగా.. బుధవారం నాటికి 65 కంటైన్మెంట్ జోన్లు మాత్రమే ఉన్నాయి. తెలంగాణ ప్రభుత్వం విడుదల చేసిన హెల్త్ బులిటెన్‌లో ఈ వివరాలు వెల్లడయ్యాయి. రెండు వారాల క్రితం ఎల్బీ నగర్‌లో ఐదు కంటైన్మెంట్ జోన్లు ఉండగా.. ఆ సంఖ్య ఇప్పుడు ఆరుకు చేరింది.

గతంలో చార్మినార్ పరిధిలో అత్యధికంగా 31 కంటైన్మెంట్ జోన్లు ఉండేవి. ఇప్పుడు ప్రస్తుతం 15 కంటైన్మెంట్ జోన్లు మాత్రమే ఉన్నాయి. అటు ఖైరతాబాద్‌లో రెండు వారాల క్రితం 14 కంటైన్మెంట్ జోన్లు ఉండగా.. ప్రస్తుతం 21కి పెరిగాయి. సికింద్రాబాద్ పరిధి‌లో అయితే ప్రస్తుతం ఐదు కంటైన్మెంట్ జోన్లు.. శేరిలింగంపల్లి జోన్‌లో 10 కంటైన్మెంట్ జోన్లు ఉన్నాయి. కాగా, గతంలో కూకట్‌పల్లి పరిధి‌లో 9 కంటైన్మెంట్ జోన్లు ఉండగా.. ప్రస్తుతం 8 కంటైన్మెంట్ జోన్లు మాత్రమే ఉన్నాయి.

Also Read: ఏపీలో ఇళ్లపట్టాల పంపిణీ మరోసారి వాయిదా..!