బాడీ చుట్టు బాటిల్స్.. అక్రమ దందాకు ఇదో కొత్త పద్దతి

తెలంగాణ నుంచి ఏపీకి అక్రమంగా మద్యం రవాణా వివిధ మార్గాల్లో జరుగుతోంది. తెలంగాణతో సరిహద్దులు పంచుకుంటున్న కృష్ణా జిల్లాలో పలు అక్రమమద్యం కేసులు నమోదయ్యాయి. తాజాగా ఇదే జిల్లాలో విస్సన్నపేట వద్ద ఇద్దరు యువకులు అక్రమ మద్యం రవాణా చేస్తుండగా అధికారులు పట్టుకున్నారు.

మద్యం రవాణాకు వారు ఎంచుకున్న విధానం చూస్తే తెలివితేటలు అనాలో, మూర్ఖత్వం అనాలో అర్థం కాని పరిస్థితి నెలకొంది. శరీరం చుట్టూ మందు బాటిళ్లు పెట్టుకుని, వాటి చుట్టూ టేప్‌తో అతికించేశారు. దానిపై దుస్తులు ధరించారు. చూసేవారికి పైకి ఏమీ కనిపించదు. ఒకవేళ వారి శరీరాలకు ఏదైనా ఒత్తిడి తగిలి ఆ సీసాలు పగిలిపోతే ప్రాణాలకే ప్రమాదం వస్తుంది. అయినప్పటికీ వారు ఎంతో రిస్క్ తీసుకుని అక్రమ మద్యం రవాణాకు పాల్పడడం ఆశ్చర్యం కలిగిస్తోంది.  ఆ మధ్య ఒకరు గ్యాస్ సిలిండర్‌ కింది వైప్ కట్ చేసి అందులో మద్యం బాటిల్స్ నింపుకొని వెళ్తుండగా పట్టుపడ్డారు. ఒక్కోచోట ఒక్కోలా మద్యం దందా సాగుతోంది. తెలంగాణ నుంచి ఆంధ్రప్రదేశ్‌కు ఈ అక్రమ దందా సాగుతోంది. అధికారులు నిఘా పెంచడంతో ఇలా పట్టుపడుతున్నారు.