ఆ బ్యాంకుల్లోని ఖాతాదారులకు గమనిక.. ఇవే లాస్ట్ డేట్‌లు.. లేదంటే ఆన్‌లైన్ ట్రాన్సాక్షన్స్ బంద్.!

Account Holders Alert:  మీకు బ్యాంక్‌లో ఖాతా ఉందా.? తరచూ లావాదేవీలు జరుపుతుంటారా.? అయితే ఈ విషయం మీరు తప్పక తెలుసుకోవాలి. ప్రభుత్వ రంగ బ్యాంకుల విలీనం నేపధ్యంలో రాబోయే రోజుల్లో అనేక మార్పులు చోటు చేసుకోబోతున్నాయి. అసలు ఏయే మార్పులు జరుగుతున్నాయి. మీకు గానీ ఈ బ్యాంకుల్లో ఖాతాలు ఉన్నట్లయితే.. ఆ మార్పులు ఏంటి.? వాటికి సంబంధించిన ప్రక్రియ గురించి తెలుసుకోండి.

యూనియన్ బ్యాంక్:

ఆంధ్రా బ్యాంక్, కార్పోరేషన్ బ్యాంక్‌ను యూనియన్ బ్యాంక్ ఆఫ్ ఇండియాలో విలీనం చేసిన సంగతి తెలిసిందే. మీకు గానీ ఆంధ్రా బ్యాంక్, లేదా కార్పోరేషన్ బ్యాంక్‌‌లలో అకౌంట్ ఉన్నట్లయితే.. ఈ విషయాలను గుర్తు పెట్టుకోండి.

• అకౌంట్ నెంబర్ మారదు
• డెబిట్ కార్డును గడువు పూర్తయ్యే దాకా వాడుకోవచ్చు
• పైన తెలిపిన రెండు బ్యాంకుల సంబంధించి ఇంటర్నెట్ బ్యాంకింగ్‌ను > యూనియన్ బ్యాంక్ వెబ్‌సైట్/ యాప్‌లో వాడాల్సి ఉంటుంది
• లాగిన్/ పాస్‌వర్డ్‌లో ఎలాంటి మార్పులు లేవు
• అయితే ఈ రెండు బ్యాంకులకు సంబంధించి ఐఎఫ్ఎస్‌సీ కోడ్ మారనుంది
• పాత కోడ్ మార్చి 31 వరకు పని చేస్తుంది
• ఏప్రిల్ 1 నుంచి కొత్త కోడ్ అమలు

బ్యాంక్ ఆఫ్ బరోడా:

దేనా బ్యాంక్, విజయ బ్యాంక్‌లను బ్యాంక్ ఆఫ్ బరోడాలోకి విలీనం చేశారు. ఒకవేళ ఈ రెండు బ్యాంకుల్లో మీకు ఖాతాలు ఉంటే మార్చి 1 నుంచి కొత్త ఐఎఫ్ఎస్‌సీ కోడ్ అమలులోకి రానుంది. దాని కోసం మీ దగ్గరలోని బ్రాంచ్‌ను సంప్రదించాల్సి ఉంటుంది

పంజాబ్ నేషనల్ బ్యాంక్:

ఓరియంటల్ బ్యాంక్ ఆఫ్ కామర్స్, యునైటెడ్ బ్యాంక్ ఆఫ్ ఇండియాను పంజాబ్ నేషనల్ బ్యాంక్‌లోకి విలీనం చేసిన సంగతి తెలిసిందే. ఇక ఆ రెండు బ్యాంకులకు సంబంధించి ఐఎఫ్ఎస్‌సీ కోడ్ , చెక్ బుక్‌లు మార్చి 31 వరకు చెల్లుబాటులో ఉండనున్నాయి. ఎర్పిల్ 1 నుంచి కొత్త కోడ్‌లు, చెక్ బుక్‌లు దగ్గరలోని బ్యాంక్ నుంచి తీసుకోవాల్సి ఉంటుంది.

Also Read: అల్లు అర్జున్ కార్వాన్‏ను ఢీకొట్టిన లారీ.. ఖమ్మం సమీపంలో రోడ్డు ప్రమాదం..