పాములు ఇంట్లోకి రాకుండా ఉండాలంటే ఇలా చేయాల్సిందే..! అద్భుతమైన ఇంటి చిట్కాలు మీకోసం..!

నాఫ్తలిన్ (Naphthalene Balls) పాములను దూరం చేయడానికి బాగా సహాయపడతాయి. ఇవి పాములకు నచ్చని ఘాటైన వాసన కలిగి ఉంటాయి. మీరు నాలుగు నుండి ఐదు నాఫ్తలిన్ బాల్స్ ను తీసుకొని బాగా పొడి చేయండి. ఆ పొడిలో రెండు కప్పుల నీరు కలుపుకుని మీ ఇంటి చుట్టూ, తోటలోని చెట్లకు, మొక్కలకు, తలుపుల వద్ద కూడా ఈ నీటి మిశ్రమాన్ని స్ప్రే చేయండి. పిల్లలు దీన్ని తాకకుండా జాగ్రత్త పడండి. నాఫ్తలిన్ బాల్స్ వాసన వల్ల పాములు మీ ఇంటి దగ్గరికి రావు.

అమ్మోనియా (Ammonia) కూడా పాముల నుండి భద్రత పొందడానికి ఉపయోగపడే ఒక పదార్థం. ఇది పాములకు నచ్చని తీవ్రమైన వాసనను కలిగి ఉంటుంది. వర్షాకాలంలో పాములే కాకుండా.. కీటకాల సమస్యల్ని కూడా నివారించడానికి అమోనియా మిశ్రమాన్ని ఉపయోగిస్తారు. రెండు నుండి మూడు టీ స్పూన్ల అమోనియాను రెండు కప్పుల నీటిలో కలిపి స్ప్రే బాటిల్‌ లో నింపి మీ తోటలోని మొక్కలకు, పువ్వులకు పూయండి. ఇది పాములను వెంటనే దూరం చేస్తుంది.

తోటలో పాములను నివారించేందుకు లవంగం దాల్చిన చెక్క నూనె కూడా ఒక మంచి పరిష్కారం. ఈ రెండు పదార్థాలలోని తీవ్రమైన వాసన పాములకు అసహ్యంగా ఉంటుంది. రెండు టీ స్పూన్ల లవంగం దాల్చిన చెక్క నూనెను మూడు కప్పుల నీటిలో కలిపి బాగా తయారు చేసి తోటలోని మొక్కలపై ఈ నీటిని చల్లండి. ఇది వర్షాకాలపు పురుగులను కూడా తోటలో రాకుండా చేస్తుంది. మీరు కావాలంటే ఉల్లి లేదా వెల్లుల్లి నూనెను కూడా ఉపయోగించవచ్చు.

మీ ఇంటి పరిధిలో పాములు రాకుండా గంధక పొడి ఒక అద్భుతమైన సహాయం. ఈ పొడిని తోటలోని మొక్కల చుట్టూ ఇంటి చుట్టూ చల్లి పెట్టండి. ఇది పాములకు ఒక రకమైన అడ్డంకిగా పనిచేస్తుంది.

ఇంకా కొంత మంది వెనిగర్, నిమ్మరసం, బేకింగ్ సోడా కలిపి మిశ్రమం తయారు చేసి పాములను దూరం చేయడానికి ఉపయోగిస్తారు. అయితే ఈ విధంగా సహజ పదార్థాలను ఉపయోగించడం మాత్రమే కాదు.. మీ తోటను సక్రమంగా శుభ్రంగా ఉంచడం కూడా చాలా ముఖ్యం. ఎందుకంటే పరిశుభ్రమైన వాతావరణంలో పాములు తక్కువగా వస్తుంటాయి.

ఈ సహజ చిట్కాలను పాటించడం వల్ల మీరు మీ ఇల్లు తోట పక్కన పాముల నుండి రక్షణ పొందగలుగుతారు. తోటలో ఇంటి చుట్టూ ఈ చిట్కాలను అమలు చేయడం ద్వారా పాములు దూరం అవుతాయి. ముఖ్యంగా పిల్లలు ఉన్న ఇళ్లలో ఇది మరింత అవసరం. జాగ్రత్తగా ఈ విధానాలను పాటించి మీ కుటుంబాన్ని ప్రమాదాల నుంచి రక్షించుకోండి.

పాములను తొలగించే విధానం వల్ల సహజ వాతావరణానికి హాని కలగకుండా ఉండటం కూడా ముఖ్యం. అందుకే ఈ సహజ, రసాయన రహిత చిట్కాలను పాటించండి.