Money Safety Tips: ఇలా చేస్తే మీ పొదుపు ఖాతాల్లో డబ్బులు సేఫ్‌గా ఉన్నట్లే.. ఈ విషయాలు తెలుసుకోండి!

బ్యాంకు ఖాతాల్లో డబ్బులు సేఫ్‌గా ఉంచుకోవాలంటే ఏం చేయాలి.? ఆన్‌లైన్ ద్వారా ట్రాన్సక్షన్స్‌ను చేసేటప్పుడు ఏం జాగ్రత్తలు తీసుకోవాలి.? ఈ మధ్యకాలంలో అందరూ ఆన్‌లైన్ లావాదేవీలు చేస్తున్నారు. అసలే సైబర్ నేరాలు ఎక్కువైపోతున్నాయి. మరి ఇలాంటి సమయంలో మీ బ్యాంక్ ఖాతాల్లో(Money Tips) డబ్బులు సేఫ్‌గా ఉంచాలంటే పలు జాగ్రత్తలు తప్పనిసరిగా తీసుకోవాలి. లేదంటే మోసాలు బారిన పడటం ఖాయం.

సింపుల్ పాస్‌వర్డ్‌లు పెట్టుకోవద్దు.. మీ ఆన్‌లైన్ బ్యాంకింగ్ పాస్‌వర్డ్ ఈజీగా ఉంటే, సైబర్ కేటుగాళ్లు మీ ఖాతాను సులభంగా యాక్సెస్ చేయవచ్చు. మీ పేరు లేదా మీ కుటుంబంలోని ఎవరి పేరైనా, మొబైల్ నంబర్, మీ బండి నంబర్ లేదా పుట్టిన సంవత్సరం లేదా పుట్టిన తేదీ.. ఇలాంటి పాస్‌వర్డ్స్‌ను ఈజీగా గుర్తించవచ్చు. ఉదాహరణలు ఇవ్వాలంటే – password, qwerty, 123456 మొదలైనవి అని చెప్పాలి. అలాగే మీ బ్యాంక్ ఖాతాలన్నీంటికి కూడా ఒకే పాస్‌వర్డ్‌ను ఉపయోగించడం వల్ల సైబర్ కేటుగాళ్లు మీ డబ్బును లూటీ చేసే ప్రమాదం ఉంది.

వ్యక్తిగత సమాచారాన్ని ఎవరితోనూ పంచుకోవద్దు.. ఇతరులతో పాస్‌వర్డ్ షేర్ చేసినంత మాత్రాన ఖాతాలోని డబ్బు లూటీ అవుతుందా.? అని మీరు అనుకోవచ్చు.. అదొకటి మాత్రమే కాదు.. మీ వ్యక్తిగత వివరాలు, ఐడీ లాంటివి తెలియని వ్యక్తులతో పంచుకున్నా.. మీ బ్యాంక్ ఖాతా ప్రమాదంలో పడే అవకాశం ఉంది. మీ పుట్టిన తేదీ, సంతకం, వివాహ తేదీ, కుటుంబ సభ్యుల పేర్లు, ID ప్రూఫ్, మొదలైన వివరాలను ఎవరితోనూ పంచుకోవద్దు.

బ్యాంక్ భద్రతకు సంబంధించిన సలహాలు.. సాధారణంగా అన్ని బ్యాంకులు ఈ-మెయిల్, సోషల్ మీడియా ద్వారా భద్రతా సలహాలను కస్టమర్లకు అందిస్తుంటాయి. వాటి ద్వారా ఖాతాదారులు మోసాల బారిన పడకుండా తమ నగదును కాపాడుకోవచ్చు. ఆ సలహాలు, సూచనలను తప్పకుండా పాటించండి.

బ్యాంక్ స్టేట్‌మెంట్‌లు, మెసేజ్‌లను చూసుకోండి.. మీ బ్యాంక్ ఖాతాపై నిఘా ఉంచండి. ఎందుకంటే ఏదైనా అనుమానాస్పద కార్యకలాపాలు జరిగితే, వాటిని వెంటనే తెలుసుకోవచ్చు. కస్టమర్లకు లావాదేవీలకు సంబంధించిన పూర్తి సమాచారాన్ని బ్యాంకులు మెసేజ్‌లు, ఈ-మెయిల్‌ల రూపంలో పంపిస్తుంటాయి. బ్యాంక్ సందేశాలు మోసపూరిత లావాదేవీలను గుర్తించడంలో సహాయపడతాయి