Snakes: మీ ఇంటి చుట్టూ ఇవి ఉంటే.. పాములు వద్దన్నా వస్తాయంట.. తస్మాత్ జాగ్రత్త..

పాములు అంటే ఎవరికీ భయం ఉండదు. పాము కాట్లతో ఇప్పటికే ఎంతో మంది ప్రాణాలు కోల్పోయారు. పాములు ఈజీగా తప్పించుకుంటాయి.. కాబట్టి వాటిని గుర్తించడం కష్టం. మన ఇంటి చుట్టూ కొన్ని మొక్కలు ఉన్నప్పుడు పాములు సులభంగా మన ఇళ్ళలోకి వస్తాయి. అలాంటి వాటిని తొలగించడం ద్వారా మనం వాటికి దూరంగా ఉండొచ్చు.

పాములను ఆకర్షించేవి..

నీటి వనరులు:

మీ ఇంటి చుట్టుపక్కల ఉండే చిన్న చెరువులు, నీటి వనరులు కప్పలను, కీటకాలను ఆకర్షిస్తాయి. ఇవి పాములకు ప్రధాన ఆహారం. అలాగే ఈ నీటిలో పెరిగే తామర, లిల్లీ వంటి మొక్కలు పాములకు అనుకూల వాతావరణాన్ని సృష్టిస్తాయి. పాములు ఈ మొక్కల మెత్తని కాండాల వద్ద నివసించడానికి ఇష్టపడతాయి.

నేల కప్పే మొక్కలు:

నేలపై దట్టంగా పెరిగే గడ్డి లేదా ఇంగ్లీష్ ఐవీ, పెరివింకిల్ వంటి మొక్కలు పాములకు మంచి దాక్కునే ప్రదేశాలు. ఈ దట్టమైన ఆకులు పాములకు చల్లని, తేమతో కూడిన సురక్షితమైన వాతావరణాన్ని కల్పిస్తాయి.

దట్టమైన చెట్లు – పొదలు:

బెర్రీ పొదలు, అలాగే ఎత్తైన గడ్డి ఉన్న ప్రాంతాల్లో చిన్న జంతువులు, పక్షులు, కీటకాలు ఉంటాయి. ఇవి పాములకు సులభమైన ఆహారంగా మారతాయి. ఈ పొదల దట్టమైన స్వభావం పాములకు అద్భుతమైన ఆశ్రయాన్ని అందిస్తుంది.

ఆకు కుప్పలు – కుళ్ళిన పదార్థం:

తోటలలో సేంద్రీయ ఎరువుల కోసం పోగు చేసిన ఆకు కుప్పలు కుళ్ళిపోయి తేమగా మారుతాయి. అలాగే ఎలుకలతో సహా అనేక తెగుళ్ళు అక్కడికి సులభంగా చేరుకుంటాయి. దీంతో ఇవి పాములకు ఇష్టమైన ప్రదేశాలుగా మారతాయి. కుళ్ళిన పదార్థం వేడిని ఉత్పత్తి చేస్తుంది కాబట్టి పాములను మరింతగా ఆకర్షిస్తుంది.

బలమైన సువాసన గల మొక్కలు:

చామంతి, జాస్మిన్ వంటి కొన్ని బలమైన, తీపి వాసన గల మొక్కలు పాములను ఆకర్షిస్తాయని కొన్ని నివేదికలు సూచిస్తున్నాయి.

మీ ఇంటి చుట్టూ ఈ వస్తువులను తొలగించడం ద్వారా పాములు మీ ఇంటికి రాకుండా జాగ్రత్తలు తీసుకోవచ్చు. పరిసరాలను శుభ్రంగా ఉంచుకోవడం, దట్టమైన పొదలను తొలగించడం, చెత్త కుప్పలను పోగు చేయకుండా ఉండటం ముఖ్యం.