Helmet Buying Guide: పోలీసులు చలాన్ వేస్తారని హెల్మెట్ కొనకండి.. కొనేముందు ఇవి తప్పకుండా తెలుసుకోండి..
మన దేశంలో చాలా మంది ప్రజలు హెల్మెట్లను కొనుగోలు చేస్తారు. ఎందుకంటే వారు ట్రాఫిక్ పోలీసుల నుంచి తప్పించుకునేందుకే కొంటారు. ప్రజలు ఏం ఆలోచించకుండా హెల్మెట్లను కొనుగోలు చేస్తారు. ఇది వారికి తరువాత ప్రమాదకరంగా మారుతుంది.
Updated on: Feb 21, 2023 | 1:35 PM
ద్విచక్రవాహనం నడిపేటప్పుడు బైక్ లేదా స్కూటర్లో హెల్మెట్ ధరించడం తప్పనిసరి. ఇలా చేయకపోతే మీ ప్రాణానికే ప్రమాదం. అలాగే ట్రాఫిక్ చలాన్ కూడా పడే అవకాశం ఉంది. మన దేశంలో చాలా మంది ప్రజలు చలాన్ను తప్పించుకోవడానికి హెల్మెట్లను కొనుగోలు చేస్తారు. ప్రజలు ఏం ఆలోచించకుండా హెల్మెట్లను కొనుగోలు చేస్తారు. చివరికి దాని నాణ్యత కూడా చూడకుండానే కొనుగోలు చేస్తారు. ఇది వారికి తరువాత ప్రమాదకరంగా మారుతుంది. ఇది మాత్రమే కాదు, మీరు కొనుగోలు చేసిన హెల్మెట్ ప్రభుత్వ నిబంధనల ప్రకారం లేకపోతే.. మీ చలాన్ను కూడా పడుతుంది. హెల్మెట్ కొనుగోలు చేసేటప్పుడు మీరు తప్పక చూడవలసిన 3 విషయాలను ఇక్కడ తెలుసుకుందాం..
1. హెల్మెట్ బిల్ట్ క్వాలిటీ
హెల్మెట్ బిల్ట్ క్వాలిటీ తగినంతగా ఉండాలి, తద్వారా అది మన తలని సురక్షితంగా ఉంచుతుంది. అత్యుత్తమ నాణ్యత గల హెల్మెట్లు కార్బన్ ఫైబర్,ఫైబర్గ్లాస్తో తయారు చేయబడ్డాయి. ఈ రకమైన హెల్మెట్ ధర ఇతర హెల్మెట్ల కంటే ఖరీదైనది, అయితే ఇది మీ జీవితం కంటే ఎక్కువ ఖర్చు చేయదు.
2. హెల్మెట్ బరువు
తేలికగా పగలదని భావించి భారీ హెల్మెట్ని ఎంచుకుంటే పొరపాటే. ప్రభుత్వ నిబంధనల ప్రకారం హెల్మెట్ బరువు 1.2 కిలోలకు మించకూడదు. భారతీయ నియమాల ప్రకారం సగటు హెల్మెట్ బరువు 700 గ్రాముల నుండి 1.20 కిలోలు. ఈ బరువు గల హెల్మెట్ మీకు ఉత్తమమైనది.
3. హెల్మెట్ పరిమాణం
మీరు హెల్మెట్ కొనుగోలు చేసినప్పుడల్లా, హెల్మెట్ సైజును ఎలా కొలవాలి అనే ప్రశ్న మీ మదిలో మెదులుతుంది. మీరు మీ తల పరిమాణం, సౌలభ్యం ప్రకారం హెల్మెట్ పరిమాణాన్ని తీసుకోవాలి. దీనికి ఉత్తమ మార్గం హెల్మెట్ కొనడానికి ముందు ప్రయత్నించడం. హెల్మెట్ వదులుగా లేదా బిగుతుగా ఉండకూడదు. అటువంటి హెల్మెట్ మీకు సౌకర్యాన్ని ఇస్తుంది. ప్రమాదం సమయంలో సులభంగా బయటకు రాదు.
మరిన్ని హ్యూమన్ ఇంట్రెస్టింగ్ న్యూస్ కోసం
