Vastu Tips: ఇంటి ఈశాన్యంలో ఈ తప్పులు చేస్తున్నారా.? వెంటనే మార్చుకోండి..

ఇంట్లో ఈశాన్యం మూలకు ఉండే ప్రధాన్యత గురించి ప్రత్యేకంగా చెప్పాల్సిన పనిలేదు. వాస్తు శాస్త్రంలో ఈశాన్యం దిశకు పెద్దపీట వేశారు. అందుకే ఈ దిశలో ఎలాంటి పొరపాట్లు చేయకూడదని వాస్తు నిపుణులు చెబుతుంటారు. ఈశాన్యం దిశను ధనలక్ష్మి స్థానంగా చెబుతుంటారు. అందుకే ఈ దిశలో వాస్తు పరంగా ఎలాంటి పొరపాట్లు చేయకూడదని సూచిస్తుంటారు. ఇంతకి ఈశాన్యం దిశలో ఎలాంటి వాస్తు పద్ధతులను పాటించాలి.? ఒకవేళ వాస్తు లోపాలు ఉంటే ఎలాంటి ఇబ్బందులు ఎదుర్కోవాల్సి వస్తుందో ఇప్పుడు తెలుసుకుందాం..

* ఇంటి ఈశాన్య భాగంలోని ఉత్తర దిశలో డోర్‌ ఉండేలా చూసుకోవాలని వాస్తు పండితులు చెబుతున్నారు. ఇలా ఉంటే ఇంట్లోకి డబ్బు వచ్చే మార్గాలు మెరుగవుతాయి.

* ఇక ఈశాన్య దిశలో తూర్పు దిశలో డోర్ ఉంటే మంచిదని వాస్తు పండితులు చెబుతున్నారు. దీనివల్ల మంచి పేరు ప్రతిష్టలతో పాటు ధనప్రాప్తి లభిస్తుంది.

* ఈశాన్యం దిశలో నీటి నిల్వ ఉండేలా చూసుకోవాలని వాస్తు పండితులు చెబుతున్నారు. అందుకే ఈశాన్య దిశలో బోర్‌ లేదా నీళ్ల సంపును ఏర్పాటు చేసుకుంటే డబ్బుతో పాటు శాంతి లభిస్తుంది.

* ఈశాన్యంలో పూజ గది ఉండేలా చూసుకోవాలని వాస్తు పండితులు చెబుతున్నారు. అలాగే దేవుడి చిత్ర పటాలు ఏర్పాటు చేసుకుంటే మంచి జరుగుతుందని చెబుతున్నారు.

* ఈశాన్యం దిశలో ఎట్టి పరిస్థితుల్లో బరువులు లేకుండా చూసుకోవాలని వాస్తు పండితులు చెబుతున్నారు. ఈశాన్యం దిశలో స్థలం ఎక్కువగా ఉంటే శుం కలుగుతుంది.

* ఈశాన్యం దిశలో ఉండే గోడకు లేత నీలి రంగు వేస్తే మంచి జరుగుతుందని వాస్తు నిపుణులు చెబుతున్నారు. ఈశాన్యంలో చిన్న నీటి తొట్టెలు ఏర్పాటు చేసుకుంటే సానుకూల శక్తి పెరుగుతుంది.

* ఇక ఈశాన్యంలో ఎట్టి పరిస్థితుల్లో టాయిలెట్స్‌ లేకుండా చూసుకోవాలి. ఇది చాలా పెద్ద వాస్తు దోషమని పండితులు చెబుతున్నారు. ఈశాన్యంలో మరుగుదొడ్లు ఉంటే ఇంట్లో వారు నిత్యం అనారోగ్యం బారిన పడుతుంటారు.

* ఈశాన్య దిశలో వంట గది ఉన్నా కూడా ఇంట్లో వ్యాధులు ప్రభలే అవకాశాలు ఎక్కువగా ఉంటాయని పండితులు చెబుతున్నారు.

* ఈశాన్యం దిశలో మెట్ల నిర్మాణాన్ని ఎట్టి పరిస్థితుల్లో చేపట్టకూడదు. అలాగే ఈశాన్యంలో బెడ్ రూమ్‌ నిర్మాణం కూడా చేపట్టవద్దని వాస్తు పండితులు చెబుతున్నారు.

మరిన్ని ఇంట్రెస్టింగ్ వార్తల కోసం క్లిక్ చేయండి..