బరువు తగ్గాలనుకునే వారికి ఈ నీళ్లు మస్తు పని చేస్తాయి..!

ఈ నీటిలో పీచు పదార్థం చాలా ఎక్కువగా ఉంటుంది. ఇది మనం తిన్న ఆహారం బాగా జీర్ణం కావడానికి సహాయపడుతుంది. మన పేగులు సరిగ్గా పనిచేయాలంటే ఫైబర్ చాలా అవసరం. బార్లీ నీరు పేగులు కదలడానికి సహాయం చేస్తుంది.. అందువల్ల కడుపు నొప్పి, గ్యాస్ లాంటి సమస్యలు తగ్గుతాయి. మన శరీరంలోని చెడు పదార్థాలు తొందరగా బయటకు వెళ్లిపోవడం వల్ల పేగులు ఆరోగ్యంగా ఉంటాయి.

మన గుండెకు బార్లీ నీరు చాలా మంచిది. ఇందులోని ఫైబర్, ముఖ్యంగా బిటా-గ్లూకాన్ అనే పదార్థం గుండెను కాపాడుతుంది. ఇది మన రక్తంలోని చెడు కొలెస్ట్రాల్‌ను తగ్గిస్తుంది.. దీనివల్ల గుండె జబ్బులు వచ్చే ప్రమాదం తగ్గుతుంది. కాబట్టి గుండె బలంగా ఉండాలంటే బార్లీ నీరు తాగడం చాలా మంచిది.

బార్లీ నీటిలో గ్లైసెమిక్ ఇండెక్స్ తక్కువగా ఉంటుంది. దీనివల్ల డయాబెటిస్ ఉన్నవారికి ఇది చాలా ఉపయోగకరంగా ఉంటుంది. ఇది రక్తంలో చక్కెర స్థాయిని అదుపులో ఉంచడానికి సహాయపడుతుంది. డయాబెటిస్‌ను నియంత్రించడానికి ఈ నీరు ఒక మంచి డ్రింక్ అని చెప్పవచ్చు.

బరువు తగ్గాలనుకునే వారికి బార్లీ నీరు చాలా బాగా సహాయపడుతుంది. దీనిలో ఉండే ఫైబర్ వల్ల కడుపు నిండినట్లు ఉంటుంది. అందువల్ల మనం తక్కువగా తింటాము. దీనివల్ల మన శరీరానికి తక్కువ కేలరీలు అందుతాయి. ఇది బరువు తగ్గడానికి సహాయపడుతుంది. బార్లీ నీరు బరువు తగ్గడానికి ఒక సహజమైన సహాయకారి అని చెప్పవచ్చు.

మన కిడ్నీలకు బార్లీ నీరు చాలా మంచిది. కిడ్నీలో రాళ్లు ఏర్పడకుండా ఇది సహాయపడుతుంది. కిడ్నీలను శుభ్రం చేయడంలో కూడా ఇది ఉపయోగపడుతుంది. ఒకవేళ రాళ్లు ఉంటే అవి కరగడానికి సహాయపడుతుంది. దీనివల్ల కిడ్నీలు సరిగ్గా పనిచేస్తాయి.. వాపు, నొప్పి తగ్గుతాయి.

మన ఎముకలు ఆరోగ్యంగా ఉండటానికి బార్లీ నీరు సహాయపడుతాయి. ఇందులో కాల్షియం, మెగ్నీషియం వంటి ఖనిజాలు ఉంటాయి. ఇవి ఎముకలను బలంగా ఉంచడానికి అవసరం. బార్లీ నీరు తరచుగా తాగితే ఎముకలు గట్టిగా తయారవుతాయి. ఎముకల సంబంధిత సమస్యలు తక్కువగా వస్తాయి. వయసు పెరిగే కొద్దీ ఎముకలు బలహీనపడే ప్రమాదం కూడా తగ్గుతుంది. ఇలా బార్లీ నీరు మన శరీరానికి అనేక లాభాలను కలిగిస్తుంది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)