శరీరంలో ఈ 5 లక్షణాలు కనిపిస్తున్నాయా యమ డేంజరంట.. ముందే అలర్టవ్వండి..

ఆరోగ్యాన్ని కాపాడుకోవడానికి, వ్యాధులను నివారించడానికి మన శరీరానికి అన్ని రకాల విటమిన్లు అవసరం.. ఆరోగ్యకరమైన శరీర పనితీరులో విటమిన్లు కీలక పాత్ర పోషిస్తాయి. విటమిన్లలో దేనికదే ప్రత్యేకతను కలిగి ఉంటాయి.. అయినప్పటికీ మనలో చాలా మంది విటమిన్ల లోపాన్ని విస్మరిస్తుంటారు.. విటమిన్ల లోపం ఏర్పడితే శరీరం పలు సంకేతాలను ఇస్తుంది.. వాటిని అస్సలు విస్మరించకూడదు.. ఆరోగ్య నిపుణుల ప్రకారం మన రోగనిరోధక వ్యవస్థను ఆరోగ్యంగా ఉంచడానికి శరీరానికి ప్రతిరోజూ విటమిన్లు A, D, C, E, B6, B12లతో పాటు ఫోలేట్, జింక్, ఇనుము, రాగి, సెలీనియం వంటి మినరల్స్ అవసరం.. విటమిన్లలో ముఖ్యంగా విటమిన్ B12 శరీర నిర్మాణంలో.. ఆరోగ్యంగా ఉండటంతో కీలక పాత్ర పోషిస్తుంది.. విటమిన్ B12 లోపం శరీరానికి చాలా ప్రాణాంతకంగా పరిగణిస్తారు. ఇది చాలా సాధారణమైనప్పటికీ, చాలా కాలం పాటు దీనిని నిర్లక్ష్యం చేయడం వల్ల కూడా మరణ ప్రమాదం పెరుగుతుంది.

విటమిన్ B12 లోపం యొక్క లక్షణాలు:

విటమిన్ B12 శరీరానికి అవసరమైన పోషకం.. ఇది ఎర్ర రక్త కణాలు, DNA, కణాల జన్యు పదార్ధాలను తయారు చేయడంలో శరీరానికి సహాయపడుతుంది.

అటువంటి పరిస్థితిలో, కోబాలమిన్ అని కూడా పిలువబడే విటమిన్ బి 12 లోపం శరీరాన్ని లోపలి నుంచి బోలుగా మార్చడం ప్రారంభిస్తుంది. శరీర బరువును నిర్వహించడం కష్టమవుతుంది.. చాలా కాలం పాటు శరీరంలో తక్కువ స్థాయి కారణంగా, నరాలు దెబ్బతినడం ప్రారంభిస్తాయి.. గర్భిణీ స్త్రీలకు ఇది చాలా ముఖ్యమైనది.. ఎందుకంటే పిండానికి నాడీ సంబంధిత అభివృద్ధికి తగినంత విటమిన్ B12 అవసరం.. దీని లోపం శాశ్వత నరాల నష్టానికి దారితీస్తుంది.

వాస్తవానికి దీని లక్షణాలు చాలా ప్రాణాంతకం. ఇక్కడ మీరు ఈ లక్షణాల గురించి వివరంగా తెలుసుకోండి..

రక్తహీనత: విటమిన్ బి 12 లోపం కారణంగా, శరీరంలో రక్త ఉత్పత్తి తగ్గడం ప్రారంభమవుతుంది. దీని కారణంగా రక్తహీనత ప్రమాదం పెరుగుతుంది. అటువంటి పరిస్థితిలో, శరీరంలో చాలా బలహీనత ఉంటుంది.. దీని కారణంగా వ్యక్తి చిన్న పని చేసిన తర్వాత కూడా అలసిపోతాడు.

చేతులు – కాళ్ళలో తిమ్మిరి: చేతులు, కాళ్ళలో తిమ్మిరి విటమిన్ B12 లోపానికి సంకేతం. నాడీ వ్యవస్థ ప్రతికూలంగా ప్రభావితం కావడం వల్ల ఇది జరుగుతుంది. దీని వల్ల కొన్ని సెకన్ల నుంచి కొన్ని నిమిషాల పాటు చేతులు, కాళ్లు తరచూగా తిమ్మిర్లు పడుతుంటాయి..

నేరుగా నడవడం సమస్య: విటమిన్ B12 లోపం న్యూరో సిస్టమ్ ఎఫెక్ట్స్‌కు కారణమవుతుంది. దీని వలన వ్యక్తికి నడవడంలో ఇబ్బంది కలుగుతుంది. దీని వల్ల శరీరం సరిగ్గా సమన్వయం చేసుకోలేకపోతుంది.

ఆకలి నష్టం – పోషకాల కొరత: విటమిన్ B12 లోపం కారణంగా, ఒక వ్యక్తికి అవసరాన్ని బట్టి ఆకలిగా అనిపించదు. అటువంటి పరిస్థితిలో, శరీరానికి అవసరమైన పోషకాలు లభించవు.. బలహీనత – అలసట సమస్య దీర్ఘకాలంగా కొనసాగుతుంది.

డిప్రెషన్: విటమిన్ బి12 లోపం వ్యక్తి మానసిక స్థితిని కూడా ప్రభావితం చేస్తుంది. చాలా కాలం పాటు దాని లోపం కూడా డిప్రెషన్‌కు దారి తీస్తుంది.

ఇలాంటి లక్షణాలు కనిపిస్తే అలర్టవ్వాలని వైద్య నిపుణులు సూచిస్తున్నారు.. వైద్యులను సంప్రదించి పరీక్షలు చేయించుకోవడం, తగిన చికిత్స పొందడం ద్వారా విటమిన్ B12 లోపం నుంచి బయటపడొచ్చు..

(నోట్‌: ఇందులోని అంశాలు కేవలం అవగాహన కోసం మాత్రమే. పలు వార్తా కథనాలు, నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే ఆరోగ్య నిపుణులను సంప్రదించండి.)

మరిన్ని హెల్త్ వార్తల కోసం ఇక్కడ క్లిక్ చేయండి..