Detox Drinks: బాడీని బయటే కాదు.. లోపల కూడా క్లీన్ గా ఉంచుకోవాలంటే ఈ డిటాక్స్ డ్రింక్స్ మంచి ఛాయిస్!!
శరీరం పైన పేర్కొన్న మురికి, మలినాలను స్నానం చేయడం ద్వారా ఎలా క్లీన్ చేసుకుంటామో.. లోపల పేర్కొన్న మురికి, మలినాలను, వ్యర్థాలను కూడా శుభ్రం చేసుకోవడం ఆరోగ్యానికి అంతే ముఖ్యం. యూరిన్ ద్వారా రోజూ కొంతవరకూ వ్యర్థాలు బయటికి పోయినా.. ఇంకా కొన్నివ్యర్థాలు అలాగే ఉండిపోతాయి. వాటిని బయటకు పంపేందుకు కొన్ని డిటాక్స్ డ్రింక్స్ ఉన్నాయి. పరగడుపునే ప్రతిరోజూ వాటిని తాగితే.. శరీరాన్ని అంతర్గతంగా కూడా శుభ్రం..
Updated on: Aug 10, 2023 | 7:41 PM
శరీరం పైన పేర్కొన్న మురికి, మలినాలను స్నానం చేయడం ద్వారా ఎలా క్లీన్ చేసుకుంటామో.. లోపల పేర్కొన్న మురికి, మలినాలను, వ్యర్థాలను కూడా శుభ్రం చేసుకోవడం ఆరోగ్యానికి అంతే ముఖ్యం. యూరిన్ ద్వారా రోజూ కొంతవరకూ వ్యర్థాలు బయటికి పోయినా.. ఇంకా కొన్నివ్యర్థాలు అలాగే ఉండిపోతాయి. వాటిని బయటకు పంపేందుకు కొన్ని డిటాక్స్ డ్రింక్స్ ఉన్నాయి. పరగడుపునే ప్రతిరోజూ వాటిని తాగితే.. శరీరాన్ని అంతర్గతంగా కూడా శుభ్రం చేసుకోవచ్చు. మరి ఆ డీటాక్స్ డ్రింక్స్ ఏంటో.. ఎలా తయారు చేసుకోవాలో తెలుసుకుందాం.
డిటాక్స్ డ్రింక్ 1:
ఈ డ్రింక్ తయారీకి కీరదోసను తీసుకోవాలి. ముక్కలుగా కట్ చేసిన కీరదోసను జ్యూస్ చేసుకోవాలి. కొద్దిగా నీరుపోసి మరోసారి జ్యూసర్ తిప్పితే.. జ్యూస్ రెడీ అవుతుంది. కావాలంటే దానిని వడగట్టుకోవచ్చు. లేదంటే అలాగే తాగేయవచ్చు. అందులో ఒక నిమ్మకాయ రసం కూడా వేసుకోవాలి. ఈ డిటాక్స్ డ్రింక్ రోజూ పరగడుపునే తాగితే.. శరీరంలోని వ్యర్థాలు బయటకు పోవడమే కాకుండా.. చర్మ సంబంధిత సమస్యలున్నవారు ఈ డ్రింక్ తాగితే చర్మం కూడా సురక్షితంగా ఉంటుంది.
డిటాక్స్ డ్రింక్ 2:
దీనికోసం పెద్దగా కష్టపడనక్కర్లేదు. ఒక గ్లాసు నీటిలో ఒక నిమ్మకాయ రసం, 1 టీ స్పూన్ అల్లం రసం కలిపి తాగితే చాలు. శరీరంలోని మలినాలు బయటకు పోవడంతో పాటు.. బరువు కూడా తగ్గుతారు.
డిటాక్స్ డ్రింక్ 3:
దీనిని కూడా చాలా సులభంగా తయారు చేసుకోవచ్చు. ఒక గ్లాసు నీటిలో ఒక నిమ్మకాయ రసం, 1 టీ స్పూన్ పుదీనా ఆకుల రసం కలిపి తాగేయాలి. శరీరంలోని వ్యర్థాలు బయటకు పోవడమే కాకుండా.. జీర్ణవ్యవస్థ మెరుగ్గా పనిచేస్తుంది.
ఈ మూడు డ్రింక్ లలో ఏదైనా ఒక డిటాక్స్ డ్రింక్ నే ప్రతిరోజూ తాగాలి. అలా చేస్తే శరీరం అంతర్గతంగా శుభ్రమై.. తరచూ అనారోగ్యాల బారిన పడకుండా ఉంటారు.
మరిన్ని హెల్త్ వార్తల కోసం ఇక్కడ క్లిక్ చేయండి
