పనీర్ ఎక్కువగా తింటున్నారా..? ఏమౌతుందో తెలుసా..?

పనీర్ ప్రోటీన్ అధికంగా కలిగి ఉంది. ఇది కండరాలను బలంగా మారుస్తుంది, కణాల పునరుద్ధరణకు సహాయపడుతుంది. శాఖాహారులకు పనీర్ అత్యుత్తమ ప్రోటీన్ మూలంగా నిలుస్తుంది. 100 గ్రాముల పనీర్‌లో సుమారు 18 గ్రాముల ప్రోటీన్ లభిస్తుంది. ఇది శరీరానికి కావాల్సిన ప్రోటీన్ అవసరాన్ని తీర్చడంలో సహాయపడుతుంది.

పనీర్‌లో కాల్షియం సమృద్ధిగా ఉంటుంది. ఇది ఎముకలకు బలం చేకూర్చి ఎముకల దృఢత్వాన్ని పెంచుతుంది. పిల్లలు, గర్భిణీలు, వృద్ధులకు కాల్షియం చాలా అవసరం. రోజువారీ డైట్‌లో పనీర్ చేర్చుకోవడం వల్ల ఎముకల బలహీనత సమస్యలు తగ్గే అవకాశం ఉంది.

పనీర్‌లో విటమిన్ B12, విటమిన్ D, విటమిన్ A, రిబోఫ్లావిన్ వంటి పుష్కలమైన విటమిన్లు ఉంటాయి. అలాగే ఫాస్ఫరస్, జింక్, సెలీనియం వంటి ఖనిజాలు శరీరంలోని వివిధ పనితీరును మెరుగుపరచడంలో సహాయపడతాయి. ఇవి రోగనిరోధక శక్తిని పెంచడానికి, శక్తిని అందించడానికి, శరీర పనితీరును సమతుల్యం చేయడానికి తోడ్పడతాయి.

పనీర్‌లో ఒమేగా-3, ఒమేగా-6 ఫ్యాటీ యాసిడ్స్ ఉన్నాయి. ఇవి గుండె ఆరోగ్యాన్ని మెరుగుపరచడంలో సహాయపడతాయి. రక్తనాళాల్లో కొవ్వు పేరుకోకుండా నిరోధించి, రక్తపోటును నియంత్రించడంలో సహాయపడతాయి. అయితే ఇందులో కొంతమేర సంతృప్త కొవ్వు కూడా ఉండటం వల్ల మితంగా తీసుకోవాలి.

పనీర్ తినడం వల్ల శరీరానికి తక్షణ శక్తి అందుతుంది. ఇందులో కొవ్వు, ప్రోటీన్ రెండూ సమపాళ్లలో ఉండటంతో శక్తివంతమైన ఆహారంగా పనిచేస్తుంది. శారీరక శ్రమ చేసేవారు, వ్యాయామం చేసే వ్యక్తులకు ఇది ఎంతో ఉపయోగకరం. కడుపు నిండిన భావాన్ని కలిగించడం ద్వారా అతిగా తినకుండా ఉండటానికి సహాయపడుతుంది.

పనీర్‌లో ప్రోటీన్ అధికంగా ఉండటం వల్ల ఎక్కువసేపు ఆకలి అనిపించదు. ఇది తక్కువ కేలరీలు తీసుకునేలా చేస్తుంది. గ్లైసెమిక్ ఇండెక్స్ తక్కువగా ఉండటంతో రక్తంలో చక్కెర స్థాయిలు వేగంగా పెరగకుండా నియంత్రించడంలో సహాయపడుతుంది. అందువల్ల డయాబెటిస్ ఉన్నవారికి పనీర్ మంచి ఎంపిక.

పనీర్ ఎక్కువగా తింటున్నారా..?

• కొలెస్ట్రాల్ పెరుగుదల.. పనీర్‌లో సంతృప్త కొవ్వు ఎక్కువగా ఉండటంతో అధికంగా తింటే కొలెస్ట్రాల్ స్థాయులు పెరిగి గుండె సమస్యలు వచ్చే అవకాశం ఉంది.
• బరువు పెరుగుదల.. పనీర్ అధిక కేలరీలు కలిగి ఉండటంతో అధికంగా తింటే బరువు పెరిగే అవకాశం ఉంది. బరువు తగ్గాలనుకునేవారు మితంగా తీసుకోవడం మంచిది.
• జీర్ణ సమస్యలు.. కొంతమందికి పనీర్ తిన్న తర్వాత కడుపులో అసౌకర్యం, గ్యాస్, ఉబ్బరం లాంటి సమస్యలు తలెత్తవచ్చు. అలాంటి వారు తక్కువ మొత్తంలో మాత్రమే తీసుకోవాలి.
• అధిక సోడియం.. మార్కెట్‌లో లభించే కొన్ని రకాల పనీర్‌లలో అధిక సోడియం ఉంటుంది. దీని వల్ల రక్తపోటు సమస్యలు పెరిగే అవకాశం ఉంది.
• కల్తీ పనీర్ ప్రమాదం.. నకిలీ పనీర్‌లో రసాయనాలు ఉండే అవకాశముంది. దీన్ని తినడం వల్ల అనేక ఆరోగ్య సమస్యలు వచ్చే ప్రమాదం ఉంది. కాబట్టి నాణ్యమైన పనీర్‌ను మాత్రమే వాడాలి.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)