Coffee Benefits: రోజూ ఓ కప్పు కాఫీ గుండె జబ్బుల నుంచి దూరంగా ఉంచుతుంది.. ఎలానో తెలుసుకోండి!

Coffee Benefits:  రోజూ ఒక కప్పు బ్లాక్ కాఫీ గుండె ఆగిపోయే ప్రమాదాన్ని 12 శాతం తగ్గిస్తుంది. 21 వేల మందిపై పరిశోధన చేసిన తరువాత ఈ విషయాన్ని పరిశోధకులు వెల్లడించారు.  పరిశోధనల  ప్రకారం, కాఫీలో ఉండే యాంటీఆక్సిడెంట్లు శరీరంలో మంటను తగ్గిస్తాయి, అందువల్ల భవిష్యత్తులో గుండె ఆగిపోయే ప్రమాదాన్ని కాఫీ తగ్గిస్తుంది.

ధూమపానం నుండి దూరంగా ఉండండి..

అమెరికన్ హార్ట్ అసోసియేషన్ జర్నల్‌లో ప్రచురించిన నివేదిక ప్రకారం, కొలరాడో స్కూల్ ఆఫ్ మెడిసిన్ ప్రొఫెసర్ డేవిడ్ కావో పరిశోధనలో పాల్గొన్నారు. డేవిడ్ కావో మాట్లాడుతూ, చాలా మంది ప్రజలు కాఫీ, కెఫిన్ గుండెకు చెడ్డవని నమ్ముతారు. ఎందుకంటే అవి రక్తపోటును పెంచుతాయి. కానీ కొత్త పరిశోధన ప్రకారం, కాఫీ గుండె ఆగిపోయే ప్రమాదాన్ని తగ్గిస్తుంది. ఈ ప్రమాదాన్ని తగ్గించడానికి, ప్రజలు ధూమపానం నుండి దూరంగా ఉండటం కూడా చాలా అవసరం.

అమెరికన్ శాస్త్రవేత్తలు ఈ పరిశోధనను 10 లో పూర్తి చేశారు. పరిశోధనలో పాల్గొన్న 21 వేల మంది వ్యక్తుల డేటాను సేకరించారు. ప్రతిరోజూ 0, 1, 2, 3 కప్పుల కాఫీ తర్వాత దీని ప్రభావం గమనించారు. అమెరికన్ కాలేజ్ ఆఫ్ కార్డియాలజీ పరిశోధన ప్రకారం, రోజూ 3 కప్పుల కాఫీ తాగడం వల్ల గుండె దడ వచ్చే ప్రమాదం 13 శాతం వరకు తగ్గుతుంది.

కాఫీ క్యాన్సర్ ప్రమాదాన్ని కూడా తగ్గిస్తుంది..

చైనా మెడికల్ విశ్వవిద్యాలయం తన ఇటీవలి పరిశోధనలో ప్రోస్టేట్ క్యాన్సర్ ప్రమాదాన్ని 10 శాతం తగ్గించాలనుకుంటే, కాఫీ తాగండి అని చెబుతోంది. మీరు క్యాన్సర్‌తో పోరాడుతుంటే, కాఫీ తాగితే, రికవరీ 16 శాతం వరకు ఉంటుందని చైనా పరిశోధకులు అంటున్నారు. కాఫీ కాలేయం, రొమ్ము,పెద్దప్రేగు క్యాన్సర్ ప్రమాదాన్ని తగ్గిస్తుందని గతంలో పలు పరిశోధనల్లో రుజువు అయింది.

బ్రిటీష్ మెడికల్ జర్నల్‌లో ప్రచురించిన పరిశోధనల ప్రకారం, తక్కువ, ఎక్కువ కాఫీని ఉపయోగించిన వారిలో ప్రోస్టేట్ క్యాన్సర్ వచ్చే ప్రమాదాన్ని పరిశోధకులు అర్థం చేసుకున్నారు. రోజూ ఒకటి లేదా రెండు కప్పులు లేదా అంతకంటే ఎక్కువ కాఫీ తాగుతున్న వ్యక్తులు ఇందులో ఉన్నారు. ఈ పరిశోధనలో ప్రోస్టేట్ క్యాన్సర్ ఉన్న 57,732 మంది రోగుల డేటా కూడా ఉంది. అయితే, కాఫీ తక్కువగా తీసుకున్న వారిలో మాత్రమే ఈ ఫలితాలు వచ్చాయి. రోజూ రెండుకప్పులను మించి కాఫీ తాగేవారికి ఇతర రకాలైన సమస్యలు తలెత్తుతాయని పరిశోధకులు అంటున్నారు. అదే పనిగా రోజుకు కప్పులకు కప్పులు కాఫీ తాగేవారు అనారోగ్యాల పాలవుతారని హెచ్చరిస్తున్నారు.

Also Read: Aerosols: పెయింట్స్..పురుగుమందుల కారణంగా ప్రతిఏటా లక్షలాది మరణాలు.. తాజా పరిశోధనల్లో వెల్లడి!

Obesity in Pregnant: ఊబకాయంతో బాధపడుతున్న గర్భిణీల పిల్లలకు మానసిక వైకల్యం వచ్చే అవకాశం.. జాగ్రత్తలు తప్పనిసరి!