Healthy Hair: పొడవైన జుట్టు కోసం వారానికి రెండు సార్లు ఇలా చేయండి..!

నిత్యం వంటలలో ఉపయోగించే నిమ్మకాయ ఆరోగ్యానికి మాత్రమే కాదు.. అందానికి కూడా ఎంతో ఉపయోగపడుతుంది. ప్రత్యేకంగా జుట్టు సంరక్షణలో నిమ్మకాయకు మంచి స్థానం ఉంది. సహజమైన ఆమ్లాల వల్ల నిమ్మకాయ జుట్టును శుభ్రంగా ఉంచుతుంది, స్కాల్ప్‌ ఆరోగ్యాన్ని మెరుగుపరుస్తుంది. నిమ్మరసం జుట్టు పెరుగుదలకు ఎలా సహాయపడుతుంది, దాన్ని ఎలా వాడాలో ఇప్పుడు తెలుసుకుందాం.

నిమ్మరసాన్ని జుట్టు మూలాలకు పట్టిస్తే స్కాల్ప్‌లో రక్తప్రసరణ మెరుగవుతుంది. ఇది కొత్త జుట్టు మొలకెత్తే ప్రక్రియను వేగవంతం చేస్తుంది. తలకు నిమ్మరసాన్ని పెట్టి 15 నిమిషాల తర్వాత తేలికపాటి షాంపూతో శుభ్రం చేస్తే మంచి ఫలితాలు కనపడతాయి.

నిమ్మరసంలో ఉండే సహజ ఆమ్లాలు జుట్టును శుభ్రపరిచి, మృదుత్వం చేకూర్చుతాయి. దీనివల్ల జుట్టు తేలికగా మెరిసేలా మారుతుంది. రసాయనాలు లేకుండా సహజంగా కాంతివంతమైన జుట్టు కోసం ఇది ఉత్తమ మార్గం.

నిమ్మరసం విటమిన్ సితో నిండి ఉంటుంది. ఇది కొల్లాజన్ ఉత్పత్తిని ప్రోత్సహించి జుట్టు మూలాలను బలంగా ఉంచుతుంది. అలాగే విరగకుండా ఉండేందుకు సహాయపడుతుంది. దీని వల్ల జుట్టు రాలే అవకాశాలు తగ్గిపోతాయి.

నిమ్మకాయలోని సిట్రిక్ యాసిడ్ జుట్టును హానికరమైన UV కిరణాల నుంచి రక్షిస్తుంది. జుట్టును సహజంగా ప్రకాశవంతంగా చేస్తుంది.

తలచర్మంలో అధికంగా ఆయిల్ ఉండటం వల్ల జుట్టు బరువుగా మారుతుంది. నిమ్మరసం ఆ నూనెను తగ్గించి స్కాల్ప్‌ను తాజాగా ఉంచుతుంది. ఇది ముఖ్యంగా వేసవిలో చాలా ఉపయోగపడుతుంది.

నిమ్మరసంలో ఉండే సిట్రిక్ యాసిడ్ స్కాల్ప్‌ pH స్థాయిని సమతుల్యం చేస్తుంది. ఇది చుండ్రును తగ్గించడంలో సహాయపడుతుంది. వారం విడిచి వారం నిమ్మరసం వాడడం ద్వారా చుండ్రును పూర్తిగా అదుపులో పెట్టవచ్చు.

స్నానం చేసే ముందు నిమ్మరసాన్ని నీటిలో కలిపి తలకు పట్టించి, 15 నిమిషాలపాటు ఉంచాలి. ఆ తర్వాత తేలికపాటి హెర్బల్ షాంపూతో శుభ్రం చేయాలి. వారానికి రెండు సార్లు ఇలా చేస్తే జుట్టులో స్పష్టమైన మార్పు కనిపిస్తుంది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)