Kiwi Side Effects: కివీ పండ్లను విపరీతంగా తింటున్నారా? అయితే, ఈ విషయాలను తప్పనిసరిగా తెలుసుకోండి..
డెంగ్యూ జ్వరం వచ్చినప్పుడు, లేదా ఆరోగ్యం కోసం కివీ జ్యూస్ లేదా కివీ ఫ్రూట్ తినాలని వైద్య నిపుణులు తరచుగా సలహా ఇస్తుంటారు. ఇది కాకుండా, అనేక రకాల వైరల్ ఫీవర్లలో, ప్లేట్‌లెట్ కౌంట్ పెంచడానికి కివీని తినమని చెబుతారు.
Kiwi Side Effects: డెంగ్యూ జ్వరం వచ్చినప్పుడు, లేదా ఆరోగ్యం కోసం కివీ జ్యూస్ లేదా కివీ ఫ్రూట్ తినాలని వైద్య నిపుణులు తరచుగా సలహా ఇస్తుంటారు. ఇది కాకుండా, అనేక రకాల వైరల్ ఫీవర్లలో, ప్లేట్‌లెట్ కౌంట్ పెంచడానికి కివీని తినమని చెబుతారు. కివీలో ఉండే గుణాలు అందరికీ ఆరోగ్యకరం. కివిలో యాంటీ ఇన్‌ఫ్లమేటరీ, యాంటీ ఆక్సిడెంట్, యాంటీ వైరల్, యాంటీ ఇన్ఫెక్షన్ లక్షణాలు వంటి అనేక లక్షణాలు ఉన్నాయి. ఇది కాకుండా, విటమిన్ సి, విటమిన్ B6, ఫైబర్, పొటాషియం, కాల్షియం, కార్బోహైడ్రేట్లు, రైబోఫ్లావిన్, బీటా కెరోటిన్ మొదలైన అనేక రకాల విటమిన్లు, ఖనిజాలు ఇందులో పుష్కలంగా ఉన్నాయి.
కివీలో ఉండే ఈ గుణాలు మిమ్మల్ని అనేక వ్యాధుల నుండి దూరంగా ఉంచుతాయి. కానీ కివీని అధికంగా తీసుకోవడం వల్ల ఆరోగ్యానికి కూడా హాని కలుగుతుందన్న విషయం మీకు తెలుసా.? తెలియకపోతే ఈ విషయాలను తెలుసుకోండి.. కివిని అధికంగా తీసుకోవడం వల్ల అనేక సమస్యలకు దారి తీస్తుంది. అవేంటో ఇప్పుడు తెలుసుకుందాం.
కివి ఆరోగ్య ప్రయోజనాలు
అలెర్జీ సమస్య: కివీని అధిక పరిమాణంలో తీసుకుంటే అలెర్జీ లాంటి సమస్యలు రావొచ్చు. ముఖ్యంగా దీని వల్ల చర్మంపై దద్దుర్లు, వాపులు, నోటి లోపల చికాకు, ఆస్తమా వంటి సమస్యలు వచ్చే అవకాశాలు పెరుగుతాయి.
నోటి అలెర్జీ సిండ్రోమ్: కివీని బాగా తీసుకోవడం వల్ల నోటి అలెర్జీ సిండ్రోమ్ వచ్చే ప్రమాదం కూడా పెరుగుతుంది. ఈ కారణంగా పెదవులు, నాలుక వాపు నోటి లోపల పుండ్ల లాంటి సమస్య మొదలవుతుంది. ఇలాంటి పరిస్థితిలో వెంటనే వైద్యుడిని సంప్రదించండి.
మూత్రపిండాల సమస్యలు: కిడ్నీ రోగులు కివీ వినియోగాన్ని నివారించాలని సూచిస్తున్నారు. వాస్తవానికి, కివిలో పొటాషియం ఎక్కువగా ఉంటుంద. ఇది కిడ్నీ సంబంధిత వ్యాధులకు కారణమవుతుంది. అందువల్ల, కివీని అధికంగా తీసుకోవడం మానుకోండి.
అతిసార సమస్య: కివిలో ఫైబర్ పుష్కలంగా ఉంటుంది, దీని కారణంగా మీకు డయేరియా సమస్యలు ఉండవచ్చు. అంతేకాకుండా కొంతమందికి కడుపు నొప్పి, వాంతులు, వికారం వంటి సమస్యలు కనిపిస్తాయి.
మరిన్ని హెల్త్ వార్తల కోసం చూడండి..
