శరీరంలో ఇలాంటి లక్షణాలుంటే ప్రాణానికే ప్రమాదం.. జాగ్రత్త! కామెర్లకు చక్కని హోం రెమెడీస్..

ఎండాకాలం మొదలయ్యే కొద్దీ ఆరోగ్య సమస్యలు ఒకటి కంటే ఎక్కువగా ఉంటాయి. ఎంత జాగ్రత్తగా ఉన్నా అంటు వ్యాధులు ఒకరి నుంచి మరొకరికి వ్యాపించే అవకాశం ఉంది. ఈ సమయంలో పెద్దలు, పిల్లలను వేధించే సమస్యల్లో కామెర్లు (జాండీస్) ఒకటి. కామెర్లు నెమ్మదిగా అభివృద్ధి చెందుతాయి.

Jaundice

Shaik Madar Saheb |
Updated on: Mar 23, 2024 | 2:14 PM

ఎండాకాలం మొదలయ్యే కొద్దీ అనారోగ్య సమస్యలు కూడా వెంటాడుతాయి. ఎంత జాగ్రత్తగా ఉన్నా అంటు వ్యాధులు ఒకరి నుంచి మరొకరికి వ్యాపించే అవకాశం ఉంది. ఈ సమయంలో పెద్దలు, పిల్లలను వేధించే సమస్యల్లో కామెర్లు (జాండీస్) ఒకటి.. కామెర్లు నెమ్మదిగా అభివృద్ధి చెందుతాయి. అయితే, వ్యాధి ప్రారంభంలో ఎటువంటి లక్షణాలు కనిపించవు. ఇలాంటి పరిస్థితుల్లో కొంచెం అశ్రద్ధ చూపినా ప్రాణాలకు ముప్పు వాటిల్లే అవకాశం ఉంది. అందువల్ల ఈ వ్యాధిని ప్రారంభంలోనే గుర్తిస్తే త్వరగా నయం చేసుకోవచ్చు..

వాస్తవానికి కామెర్లు ఉన్న వ్యక్తి శరీరం పూర్తిగా రంగు మారిపోతుంది. లివర్ ఇన్ఫెక్షన్ వల్ల ఈ ఆరోగ్య సమస్య కనిపిస్తుంది. జ్వరం, చలి, తలనొప్పి, అలసట, నీరసం, కీళ్ల నొప్పులు, వికారం, వాంతులు, ఆకలి లేకపోవడం, పసుపు రంగు మూత్రం, కళ్ళు, చర్మం, గోళ్ల రంగులో మార్పులు ఈ వ్యాధి లక్షణాలు.

జాండీస్ ఉన్నప్పుడు.. ఆ వ్యక్తి కళ్ళు పసుపు రంగులోకి మారడంతోపాటు అతని ముఖం పసుపు రంగులో కనిపిస్తుంది. ఈ లక్షణాలు కనిపిస్తే కామెర్లు రావడం ఖాయం. ఈ వ్యాధికి ఆహారంలో మార్పులతో పాటు మందులు తీసుకోవడం చాలా ముఖ్యం.. చిన్నపాటి నిర్లక్ష్యం కూడా ప్రాణాలకు ముప్పు తప్పదంటూ వైద్యులు హెచ్చరిస్తున్నారు.