Shaik Madar Saheb |
Updated on: Mar 22, 2021 | 5:54 AM
Pimples clear tips: చాలామంది యువతులను మొటిమల సమస్య బాగా వేధిస్తుంటుంది. కొంతమంది ఈ సమస్యను తొలగించుకోవడానికి ఎవేవో ఫేస్ ప్యాక్లు, క్రీం లు వాడి చర్మ సహజతత్వాన్ని పొగుట్టుకుంటుంటారు. అలాంటి వారు ఇంట్లోనే సాధారణ పద్దతులతోనే మొటిమలను తగ్గించుకోవచ్చంటున్నారు వైద్య నిపుణులు.
టీనేజ్ వయసులో మొటిమల సమస్య ఎక్కువగా ఉంటుంది. సాధారణంగా వయసు పెరుగుతున్న కొద్దీ ఆహారపు అలవాట్లలో మార్పు కారణంగా శరీరంలో డిటాక్సిఫికేషన్ ప్రక్రియ జరగి మొటిమలు వాటంతటవే తగ్గుతాయని నిపుణులు పేర్కొంటున్నారు. ఒకవేళ తగ్గకపోతే.. ఇలాంటి చిట్కాలను పాటించాలని సూచిస్తున్నారు.
కలబందలో ఎన్నో ఉపయోగకరమైన ఔషధ గుణాలున్నాయి. దీనిని ఫేషియల్గా ఉపయోగిస్తే ఎన్నో ఫలితాలుంటాయి. కలబంద గుజ్జులో కొంచెం కస్తూరి పసుపు వేసి బాగా కలపి ముఖానికి అద్దుకోవాలి. ఇలాచేస్తే మొటిమల సమస్య తగ్గుతుంది. ఒకవేళ కలబంద గుజ్జురాసినా సరిపోతుంది.
సాధరణంగా ముల్తానీ మట్టి, శనగపిండి కూడా మొటిమలు తగ్గేందుకు ఉపయోగపడతాయని సౌందర్య నిపుణులు పేర్కొంటున్నారు. వాటి ద్వారా చర్మం కూడా కాంతి వంతంగా మారుతుందని.. మొటిమల సమస్యకూడా పోతుందని పేర్కొంటున్నారు.
సముద్రపు ఉప్పు ద్వారా మొటిమలని తగ్గించుకోవచ్చు. కొంచెం సీ సాల్ట్లో తేనె, నిమ్మరసం కలిపి.. ఆ మిశ్రమాన్ని ముఖానికి రుద్దుకోవాలి. మొటిమలు ఉన్న స్థానంలో బాగా మర్దన చేస్తే మంచి ఫలితం ఉంటుందని పేర్కొంటున్నారు.
అయితే.. ఇలాంటివి జాగ్రత్త చర్యలు పాటించనప్పటికీ.. మొటిమల సమస్య బాగా వేధిస్తుంటే.. వైద్యులను సంప్రదించాలని నిపుణులు సూచిస్తున్నారు. లేనిపక్షంలో ఇబ్బందులు తలెత్తుతాయని పేర్కొంటున్నారు.