Warm Water: గోరువెచ్చని నీరు తాగితే బరువు తగ్గుతారా? ఆరోగ్య నిపుణులు ఏమంటున్నారంటే?
Warm Water Benefits: గోరువెచ్చని నీటిని తాగడం వల్ల పలు ఆరోగ్య ప్రయోజనాలున్నాయంటున్నారు ఆరోగ్యనిపుణుల. ముఖ్యంగా శరీరంలో కొవ్వును తగ్గించుకుని బరువు తగ్గించుకోవాలనుకునేవారు రోజూ గోరువెచ్చని నీటిని తాగాలని సూచిస్తున్నారు
Updated on: Aug 10, 2022 | 7:05 PM
Warm Water Benefits: గోరువెచ్చని నీటిని తాగడం వల్ల పలు ఆరోగ్య ప్రయోజనాలున్నాయంటున్నారు ఆరోగ్యనిపుణుల. ముఖ్యంగా శరీరంలో కొవ్వును తగ్గించుకుని బరువు తగ్గించుకోవాలనుకునేవారు రోజూ గోరువెచ్చని నీటిని తాగాలని సూచిస్తున్నారు. అదేవిధంగా చాలామంది జీర్ణ సమస్యలు, తక్కువ రోగనిరోధక శక్తితో బాధపడుతున్నారు. ఇక ప్రతిరోజూ ఉదయం ఒక గ్లాసు గోరువెచ్చని నీరు తాగితే చర్మం మిలమిలా మెరిసిపోతుంది. మైగ్రేన్‌లను తగ్గిస్తుంది. ఇవే కాదు ఒక గ్లాసు వేడినీటితో ఎలాంటి ఆరోగ్యప్రయోజనాలున్నాయో తెలుసుకుందాం రండి.
బరువు తగ్గేందుకు..
వేడి నీటిని తాగడం వల్ల కేలరీలను వేగంగా బర్న్ అవుతాయి. ఇది మెటబాలిజం రేటును క్రమబద్ధీకరించేందుకు లేదా పెంచేందుకు సహాయపడుతుంది. అదనపు ప్రయోజనాలను పొందడానికి వేడి కప్పులో కాసింత నిమ్మకాయ చుక్కలను జోడించండి.
రక్త ప్రసరణ మెరుగయ్యేలా..
ఒక గ్లాసు వేడి నీరు రక్త నాళాలను ప్రేరేపిస్తుంది. ఫలితంగా శరీరం అంతటా రక్త ప్రసరణను మెరుగుపరచడంతో పాటు వేగవంతం చేయడంలో సహాయపడుతుంది. అంతేగాకుండా ఇది మీకు తక్షణ శక్తినిస్తుంది.
జీర్ణ సమస్యల పరిష్కారం కోసం..
వేడి నీరు జీర్ణవ్యవస్థను ఉత్తేజపరుస్తుంది. అలాగే జీర్ణక్రియను మెరుగుపరుస్తుంది. ఇది శరీరంలో అదనపు యాసిడ్ల ఉత్పత్తిని తగ్గిస్తుంది. నాడీ వ్యవస్థ పనితీరును మెరుగుపరుస్తుంది.
జలుబు, దగ్గు నివారణకు..
జలుబు, దగ్గుతో పాటు సైనస్ లాంటి దీర్ఘకాలిక జబ్బులతో బాధపడేవారు ప్రతిరోజూ ఒక గ్లాసు వేడి నీటిని తాగాలి. ఇది సైనస్ నుంచి కాస్త రిలాక్స్‌ కల్పిస్తుంది. అలాగే అన్ని రకాల నొప్పుల నుండి, ముఖ్యంగా తలనొప్పి నుండి ఉపశమనాన్ని అందిస్తుంది.
మలబద్ధకాన్ని తగ్గిస్తుంది
వేడి నీటిని క్రమం తప్పకుండా తీసుకోవడం వల్ల మలబద్ధకంతో పాటు ఇతర జీర్ణ సమస్యలను తగ్గుతాయి. శరీరంలో నీటి స్థాయులు తగ్గిపోవడం వల్ల మలబద్ధకం తలెత్తుతుంది. అయితే గోరువెచ్చని నీరు ప్రేగు కదలికలను పెంచడంతో పాటు అంతర్గత అవయవాలను ప్రేరేపిస్తుంది. ఫలితంగా జీర్ణ సమస్యలు తగ్గిపోతాయి.
గమనిక: ఈ ఆర్టికల్ కేవలం హెల్త్ జర్నల్స్ నుంచి సేకరించిన సమాచారం బట్టి ప్రచురించబడింది. దీంతో టీవీ9 వెబ్‌సైట్, టీవీ9కు ఎలాంటి సంబంధం లేదు.
మరిన్ని హెల్త్ టిప్స్ కోసం క్లిక్ చేయండి..
