Infertility: సంతానలేమి సమస్యతో బాధపడుతున్నారా? అయితే ఈ రకం అపోహలు రావడం సహజం.. వాస్తవాలను తెలుసుకోండి..!!
మారుతున్న లైఫ్ స్టైల్ కారణంగా ఈ మధ్యకాలంలో ప్రతి జంటలోనూ సంతానలేమి అనే రుగ్మత కనిపిస్తోంది. ముఖ్యంగా ఐటీ జాబ్స్ చేసేవారిలో ప్రత్యేకంగా పురుషుల్లో స్పర్ము కౌంట్ అనేది ఒక సమస్యగా మారుతుంది.
Madhavi |
Updated on: Feb 17, 2023 | 4:26 PM
మారుతున్న జీవనశైలి కారణంగా ఈ మధ్యకాలంలో చాలా మంది జంటల్లో సంతానలేమి సమస్య కనిపిస్తోంది. ముఖ్యంగా ఐటీ జాబ్స్ చేసేవారిలో ప్రత్యేకంగా పురుషుల్లో వీర్య కణాలు ఒక సమస్యగా మారుతోంది. శుక్రకణాలు తగినంత సంఖ్యలో లేకపోతే పిల్లలు పుట్టే ఛాన్స్ క్రమంగా తగ్గిపోతుంది. అయితే పిల్లలు పుట్టకపోవడానికి శరీర అధిక బరువు కూడా ఒక కారణం అని నిపుణులు చెబుతున్నారు. కానీ శరీర బరువుకు, పిల్లలు పుట్టకపోవడానికి ఎలాంటి సంబంధం లేదని మరికొందరు చెబుతున్నారు. మరి ఈ రెండు వాదనలో ఏది నిజమో? ఏది అపోహో? వాస్తవాలు ఏంటో తెలుసుకుందాం.
ఇన్ ఫెర్టిలిటీ గురించి మనదేశంలో ఎవరూ బహిరంగంగా మాట్లాడరు. ఈ విషయంలో తమకు సందేహాలు ఉన్నా.. ఇతరులను అడిగి తెలుసుకునేందుకు చాలా మంది జంటలు సిగ్గుపడతారు. ఆ సమస్య గురించి తమలో తాము ఆలోచిస్తూ మదనపడుతుంటారు. అటువంటి పరిస్థితిలో, ఇన్ ఫెర్టిలిటీకి సంబంధించిన కొన్ని అపోహలు వ్యక్తుల సామర్థ్యాన్ని ప్రభావితం చేయడం ప్రారంభిస్తాయి. ఒక జంట గర్భం దాల్చడం కష్టంగా ఉన్నట్లయితే వారు తీవ్ర ఆందోళన చెందుతారు. దీన్ని కొందరు అవమానకరంగానూ భావిస్తుంటారు. అయితే ఇన్ ఫెర్టిలిటీ అనేది ఒక సాధారణ సమస్య. దీనికి శారీరక, సామాజిక, మానసిక సమస్యలు కారణం కావొచ్చని తెలుసుకోవడం అవసరం.
అపోహ 1: సంతానలేమి సమస్యకు కారకులు స్త్రీలే ఎక్కువ:
వాస్తవం:
నేషనల్ ఇన్స్టిట్యూట్ ఆఫ్ హెల్త్ (NIH) ప్రకారం సంతానలేమి సమస్యకు మూడింట ఒక వంతు పురుషులలోని సంతానోత్పత్తి సమస్య కారణం కావొచ్చు. అలాగే మూడింట ఒక వంతు స్త్రీకూడా సంతానోత్పత్తి సమస్యకు కారణం కావొచ్చు. మూడింట ఒక వంతు ఇద్దరిలో ఉన్న సమస్యలు కారణం అయ్యే అవకాశం ఉంది. అందుకే సంతానలేమి అనేది కేవలం స్త్రీలకు సంబంధించిన సమస్య మాత్రమే కాదు.. స్త్రీ పురుషులిద్దరికీ సంబంధించినది.
అపోహ 2: 35 ఏళ్లు పైబడిన మహిళలు గర్భం దాల్చలేరు:
నిజం-:
ఇది చాలా సాధారణ విషయం. స్త్రీలు సంతానోత్పత్తి సంవత్సరాలు యుక్తవయస్సులో ప్రారంభమవుతాయి. వారి ముప్పై సంవత్సరాలు దాటిన తర్వత కూడా చాలా మంది మహిళలకు ఆరోగ్యకరమైన గర్భాలు వస్తుంటాయి. అయితే వయస్సు పెరిగే కొద్ది రుతు క్రమంలో తేడాలు గమనించవచ్చు.
అపోహ 3: గర్భనిరోధక మాత్రలు ఉపయోగించడం ఇన్ ఫెర్టిలిటీకి కారణమవుతుంది:
నిజం-:
గర్భనిరోధక మాత్రలు సంతానోత్పత్తిపై ప్రతికూలంగా లేదా సానుకూలంగా ప్రభావం చూపవు. మాత్రను ఆపివేసిన తర్వాత ఒక నెల లేదా రెండు నెలల్లో స్త్రీకి సాధారణ పీరియడ్స్ తిరిగి ప్రారంభమవుతాయి. కానీ గర్భనిరోధక సాధనాన్ని నిలిపివేసిన మూడు నెలలలోపు తిరిగి సాధారణంగా ఋతుస్రావం ప్రారంభం కాకపోతే గైనకాలజిస్ట్‌ను సంప్రదించండి.
అపోహ 4: స్కలనం అయితే చాలు పిల్లలు పుట్టేస్తారు:
నిజం-:
నిజానికి పురుషుల వంధ్యత్వాన్ని గుర్తించడం అంత సులభం కాదు. చాలా మంది పురుషులలో వంధ్యత్వ సమస్యల సంకేతాలు కనిపించవు. పురుషులలో వంధ్యత్వానికి కారణం తక్కువ స్పెర్మ్ కౌంట్, ఇది ప్రజలు ఊహించినది. కానీ స్పెర్మ్‌ల కదలిక , స్పెర్మ్‌ల ఆకారం కూడా ఇందులో ముఖ్యమైన పాత్ర పోషిస్తాయి. భారీ శారీరక శ్రమ చేసే లేదా రెండు లేదా అంతకంటే ఎక్కువ మందులు తీసుకునే పురుషులు తక్కువ స్పెర్మ్ కౌంట్ కలిగి ఉంటారని , అధిక రక్తపోటు స్పెర్మ్ ఆకృతిపై చెడు ప్రభావాన్ని చూపుతుందని అనేక అధ్యయనాలు చూపిస్తున్నాయి.
అపోహ 5: క్రమరహిత పీరియడ్స్ వంధ్యత్వానికి కారణం కావచ్చు:
నిజం-:
క్రమరహిత రుతు చక్రాలు చాలా సాధారణం. సరిగ్గా నిద్రపోకపోవడం, ఒత్తిడి, వ్యాయామ దినచర్యలు ఋతు చక్రం నియంత్రించే హార్మోన్ల సమతుల్యతకు విఘాతం కలిగిస్తాయి. మీరు క్రమరహిత రుతు చక్రాల గురించి ఆందోళన చెందుతుంటే ఆలస్యం చేయకుండా గైనకాలజిస్టుని సంప్రదించండి, ప్రత్యేకించి మీకు మూడు నుండి నాలుగు నెలల వరకు పీరియడ్స్ లేకపోతే తప్పనిసరిగా గైనకాలజిస్టుని కలవాలి.
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి..
