Diabetes health: డయాబెటిస్ బాధితులకు గుడ్ న్యూస్.. ఇన్సులిన్ మొక్కలను ఇకపై చక్కగా ఇంట్లోనే పెంచుకోవచ్చు..
ప్రస్తుత కాలంలో డయాబెటిస్ బాధితుల సంఖ్య రోజురోజుకు పెరిగిపోతోంది. ఆహారపు అలవాట్లు, వంశపారపర్యం.. ఇలా షుగర్ కు వివిధ కారణాలు ఉన్నాయి. రక్తంలో ఇన్సులిన్ లెవెల్స్ తగ్గిపోకుండా నిరంతరం..
Updated on: Feb 24, 2023 | 5:01 PM
ప్రస్తుత కాలంలో డయాబెటిస్ బాధితుల సంఖ్య రోజురోజుకు పెరిగిపోతోంది. ఆహారపు అలవాట్లు, వంశపారపర్యం.. ఇలా షుగర్ కు వివిధ కారణాలు ఉన్నాయి. రక్తంలో ఇన్సులిన్ లెవెల్స్ తగ్గిపోకుండా నిరంతరం అప్రమత్తంగా ఉండాలి. అయితే.. ఇన్సులిన్ తయారు చేసే మొక్కను ఇంట్లోనే సులభంగా పెంచుకోవచ్చంటున్నారు ఆరోగ్య నిపుణులు. ఇన్సులిన్ ప్లాంట్ చాలా సహజంగా గ్రామాల్లో లభిస్తుంది. అల్లం, పసుపు రకానికి చెందిన ఈ ఇన్సులిన్ మొక్కకు కాస్టస్ పిక్టస్ అనే బొటానికల్ పేరు ఉంది. మనం ఇంటి తోటల్లో, ట్యాంకుల్లో కూడా పెంచుకోవచ్చు. ఇది మెట్ట అడవులు, నీటి వనరులలో 10 అడుగుల కంటే ఎక్కువ పొడవు పెరుగుతుంది. మధుమేహ వ్యాధిగ్రస్తులు రోజూ ఉదయం పూట 2 ఇన్సులిన్ ఆకులను పచ్చిగా తినవచ్చు. దీని ద్వారా రక్తంలో చక్కెర స్థాయి చాలా వరకు అదుపులో ఉంటుంది. ఈ ఇన్సులిన్ మొక్కలను మనం ఇంట్లోనే పెంచుకొని మధుమేహ వ్యాధికి ఉపయోగించుకోవచ్చు.
ఇన్సులిన్ మొక్క ఆకులు రోగులకు శరీరానికిఅనేక ప్రయోజనాలను అందిస్తుంది. మధుమేహ వ్యాధిగ్రస్తులకు ఇన్సులిన్ వాడటం తప్పనిసరి అయింది. మధుమేహ వ్యాధిగ్రస్తులు 1వ దశ, 2వ దశ, వారే కాకుండా రోజూ ఉదయం ఖాళీ కడుపుతో ఇన్సులిన్ మొక్క ఆకును తింటే మంచి ఫలితాలుంటాయని శాస్త్రవేత్తలు చెబుతున్నారు. ఈ ఆకులను క్రమం తప్పకుండా తీసుకోవడం వల్ల కలిగే మార్పులపై యూరోపియన్, అమెరికా శాస్త్రవేత్తలు పరిశోధనలు చేస్తున్నారు. వారి అధ్యయనంలో, గ్యాస్టాస్పిక్టస్ అనే ఇన్సులిన్ ప్లాంట్ ప్రారంభ దశ మధుమేహ వ్యాధిగ్రస్తులకు మరింత ప్రయోజనకరంగా ఉంటుందని పేర్కొన్నారు.
మధుమేహ వ్యాధిగ్రస్తులకు ప్రత్యామ్నాయ ఔషధం లేదు. ఇన్సులిన్ ఇంకా టాబ్లెట్ లేదా లిక్విడ్ రూపంలో అందుబాటులోకి రాలేదు. ఇంజెక్షన్ ఒక్కటే మార్గం. మొక్క ఆకుల నుంచి తీసి రసం రక్తంలో చక్కెర స్థాయిలను నియంత్రించడంలో సహాయపడుతుంది. శరీరంలో ఇన్సులిన్ స్రవించే లోపం ఉన్నప్పుడు ఈ ఇన్సులిన్ ఆకు ఔషధంగా పనిచేస్తుంది. రక్తంలో చక్కెర పెరుగుదల శరీరంలో దురదను కలిగిస్తుంది. చక్కెర శరీర అవయవాలను కొద్దికొద్దిగా ప్రభావితం చేసే విధంగా ఉంటాయి. ముందుగా కళ్లపై, ఆ తర్వాత నరాలపై ప్రభావం చూపుతుంది. అందువల్ల మధుమేహానికి ఈ ఇన్సులిన్ ఆకులు ఉత్తమ ఔషధమని పరిశోధకులు భావిస్తున్నారు.
మరిన్ని హెల్త్ న్యూస్ కోసం
