OTT Movie: ఉగాది స్పెషల్.. ఓటీటీలోకి కొత్త సినిమా.. అధికారిక ప్రకటన వచ్చేసింది

యాక్షన్ కింగ్ అర్జున్ సర్జా గురించి ప్రత్యేక పరిచయం అక్కర్లేదు. తెలుగుతో పాటు తమిళం, కన్నడలో వందలాది సినిమాలు చేశాడీ సీనియర్ హీరో. డైరెక్టర్ గానూ సత్తా చాటాడు. అయితే ప్రస్తుతం నటుడిగా సినిమాలు బాగా తగ్గించేశాడు అర్జున్. తన వారసురాలిగా కూతురు ఐశ్వర్యను హీరోయిన్ గా నిలబెట్టే ప్రయత్నాలు చేస్తున్నాడు. అందులో భాగంగానే ఐశ్వర్యని హీరోయిన్‌గా పరిచయం చేస్తూ సీతా పయనం అనే మూవీని తెరకెక్కించాడు. గత నెలలోనే ఈ మూవీ థియేటర్లలో విడుదలైంది. ప్రేమికుల దినోత్సవం కానుకగా ఫిబ్రవరి 14న ప్రేక్షకుల ముందుకు వచ్చిన సీతా పయనం ఓ మోస్తరుగా ఆడింది. కన్నడ నటుడు ఉపేంద్ర అన్నయ్య కొడుకు నిరంజన్ ఈ చిత్రంలో హీరో గా నటించాడు. ప్రకాశ్ రాజ్, సత్యరాజ్, కోవై సరళ, సిరి హనుమంత్, సరన్ శక్తి, మణి చందన తదితరులు ప్రధాన పాత్రలు పోషించారు. అలాగే అర్జున్, అతని మేనల్లుడు కన్నడ ధ్రువ్ సర్జా క్యామియో పాత్రల్లో మెరిశారు. థియేటర్లలో ఓ మోస్తరుగా ఆడిన ఈ సినిమా ఇప్పుడు ఓటీటీలోకి వచ్చేందుకు రెడీ అయిపోయింది. ఈ మేరకు అధికారిక ప్రకటన వెలువడింది.

సీతా పయనం సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ సన్ నెక్ట్స్ సొంతం చేసుకుంది. ఉగాది కానుకగా గురువారం (మార్చి 19) నుంచి సీతా పయనం సినిమాను ఓటీటీలోకి తీసుకురానున్నట్లు సన్ నెక్స్ట్ ప్రకటించింది. అంటే ఇవాళ్టి అర్ధరాత్రి నుంచే  ఈ కొత్త సినిమా ఓటీటీలోకి రానుందన్నమాట. ఈ మేరకు సోషల్ మీడియా వేదికగా ఒక అనౌన్స్ మెంట్ వీడియోను రిలీజ్ చేసింది సన్ నెక్ట్స్.   తెలుగుతో పాటు తమిళ, కన్నడ, మలయాళ భాషల్లో సీతా పయనం మూవీ స్ట్రీమింగ్ కు అందుబాటులోకి రానుంది. శ్రీ రామ్ ఫిల్మ్స్ ఇంటర్నేషనల్ బ్యానర్ పై అర్జున్ స్వయంగా ఈ సినిమాను నిర్మించడం విశేషం. అలాగే టాలీవుడ్ మ్యూజిక్ డైరెక్టర్ అనూప్ రూబెన్స్ ఈ సినిమాకు స్వరాలు అందించడం విశేషం. మరి ఈ సీతా పయనం సినిమాను థియేటర్లలో మిస్ అయ్యారా? అయితే ఎంచెక్కా ఓటీటీలో చూసి ఎంజాయ్ చేయండి.

ఇవి కూడా చదవండి

అరె.. కొత్త కోడలికి ఏమైంది? రష్మిక కాలికి కట్టు.. ఫొటోస్ వైరల్

రామ్ చరణ్'పెద్ది'ని రిజెక్ట్ చేసిన ముగ్గురు స్టార్ హీరోలు ఎవరంటే?

ఈ నటుడు గుర్తున్నాడా? పాపం చిన్న వయసులోనే ఎలా చనిపోయాడో తెలుసా?

ఆస్కార్ గెల్చుకున్న సినిమాలు.. ఇప్పుడు ఈ ఓటీటీల్లో ఫ్రీగా చూడొచ్చ

సన్ నెక్ట్స్ లో సీతా పయనం మూవీ స్ట్రీమింగ్..

One journey, many emotions, and unforgettable moments.

Streaming in Tamil, Telugu, Malayalam & Kannada on Sun NXT from March 19.@arjunsarjaa @aishwaryaarjun @niranjansudhindra @dhruva_sarjaa @anuprubensmusic @joinprakashraj #Sathyaraj @shyamkasarlalyrics @dsathyaprakash… pic.twitter.com/sz1TcPWH0L

— SUN NXT (@sunnxt) March 17, 2026

మరిన్ని సినిమా వార్తల కోసం ఇక్కడ క్లిక్ చేయండి.