చర్మంపై ఇలాంటి లక్షణాలు కనిపిస్తున్నాయా..? అయితే.. మీకు డయాబెటిస్ వచ్చినట్లే..

ప్రపంచవ్యాప్తంగా డయాబెటిస్ కేసులు భారీగా పెరుగుతున్నాయి.. చిన్నా పెద్దా అనే తేడా లేకుండా.. లక్షలాది మంది డయాబెటిస్ (మధుమేహం) వ్యాధి బారిన పడుతున్నారు. ఇలాంటి పరిస్థితుల్లో ఈ వ్యాధి గురించి అవగాహనతో ఉండటం చాలా ముఖ్యం.. మధుమేహం అనేది రక్తంలో చక్కెర పరిమాణం చాలా ఎక్కువగా పెరగడం వల్ల సంభవించే దీర్ఘకాలిక వ్యాధి.. ఇది శరీరం అంతటా మీ రక్త నాళాలకు హాని కలిగించవచ్చు. అయితే.. మధుమేహం సాధారణ లక్షణాలు దాహం ఎక్కువగా వేయడం, తరచూ మూత్రవిసర్జన, అలసట, ఆకలి పెరగడం.. డయాబెటిస్ మీ శరీరాన్ని మాత్రమే కాకుండా దాని లక్షణాలు మీ చర్మంపై కూడా కనిపిస్తాయని వైద్య నిపుణులు చెబుతున్నారు. సాధారణంగా డయాబెటిస్ ప్రారంభ లక్షణాలు చర్మంపై కూడా కనిపిస్తాయి. జననేంద్రియాల చర్మంపై మొటిమలు దాని ప్రారంభ లక్షణంగా పరిగణిస్తారు. దీనితో పాటు, చర్మంపై ఏదైనా కోత లేదా గాయం మానడానికి ఎక్కువ సమయం తీసుకుంటే అది కూడా మధుమేహం వల్లే జరుగుతుంది. ఇది కాకుండా, మధుమేహానికి సంబంధించిన అనేక లక్షణాలు చర్మంపై కూడా బయటపడతాయి. ఈ లక్షణాలను గుర్తించిన తర్వాత, మీరు వెంటనే మీ చక్కెర స్థాయిని తనిఖీ చేసి చికిత్స ప్రారంభించాలి.

ఈ రోజుల్లో డయాబెటిస్ అత్యంత వేగంగా వ్యాప్తి చెందుతున్న వ్యాధి.. మారిన జీవనశైలి, చెడు ఆహారపు అలవాట్ల కారణంగా, ఈ వ్యాధి ఇప్పుడు యువతను కూడా ప్రభావితం చేస్తోంది. డయాబెటిస్ ఉన్నప్పుడు, దాని ప్రభావం చర్మంపై కూడా కనిపిస్తుంది. ఇందులో చర్మం పొడిబారడం, నల్లటి మచ్చలు, ఎర్రటి దద్దుర్లు, చర్మం నల్లగా మారడం కూడా ఉంటాయి. చర్మంపై అలాంటి మార్పు కనిపిస్తే, మీరు వెంటనే వైద్యుడిని సంప్రదించి డయాబెటిస్ కోసం తనిఖీ చేసుకోవాలి.

చర్మంపై ప్రభావాలు..

మధుమేహం ఉన్నవారిలో, సాధారణంగా రాత్రిపూట మూత్ర విసర్జన చేయడానికి తరచుగా లేవడం ప్రారంభ లక్షణం అని RML హాస్పిటల్‌లోని డెర్మటాలజీ విభాగానికి చెందిన మాజీ డాక్టర్ భావూక్ ధీర్ అంటున్నారు. దీనితో పాటు, మధుమేహం ప్రారంభంలో చర్మంపై లక్షణాలు కూడా కనిపిస్తాయి. చర్మంపై అనేక రకాల మార్పులు కనిపిస్తాయి. చర్మం పొడిబారడం, చర్మంపై చాలా చోట్ల ఎర్రటి దద్దుర్లు.. దీనిలో నొప్పి, దురద అనుభూతి చెందుతుంది.

దీనితో పాటు, చంకలు, మెడ, ఇతర ప్రదేశాలలో చర్మం నల్లగా మారుతుంది.. దీనిని అకాంథోసిస్ నైగ్రికన్స్ అంటారు. చేతులు – కాళ్ళపై చిన్న బొబ్బలు కూడా కనిపించవచ్చు. కాలి వేళ్లు, చేతి వేళ్లపై పుండ్లు లేదా పూతలు ఉండవచ్చు. డయాబెటిస్ కూడా గ్యాంగ్రీన్‌కు కారణమవుతుంది.. దీనికి చికిత్స లేదు. దీనితో పాటు చర్మం కూడా తీవ్రంగా దెబ్బతింటుంది..

ఇలా చేయండి..

మీ చర్మంపై పైన పేర్కొన్న లక్షణాలను మీరు గమనించినట్లయితే.. మీరు వెంటనే మీ చక్కెర స్థాయిని తనిఖీ చేసుకోవాలి. చక్కెర స్థాయిని అదుపులో ఉంచుకోవడం చాలా ముఖ్యం. వైద్యుడిని సంప్రదించి మధుమేహ నిర్వహణకు మందులు తీసుకోవడం ప్రారంభించండి. వేడి నీటితో స్నానం చేయవద్దు, ఎందుకంటే ఇది చర్మాన్ని పొడిగా చేస్తుంది. చర్మాన్ని తేమగా మార్చండి. చర్మంపై దురద ఉంటే, గోకడం మానుకోండి.. ఇలా చేస్తే.. ఇది సమస్యను మరింత తీవ్రతరం చేస్తుంది. పాదాలను శుభ్రంగా, పొడిగా ఉంచండి. వైద్యులను సంప్రదించి.. మీ దినచర్యలో, ఆహారపు అలవాట్లలో మార్పులు చేసుకోండి.

మరిన్ని హెల్త్ వార్తల కోసం ఇక్కడ క్లిక్ చేయండి..