రాత్రిపూట కాళ్లు, చేతులు తిమ్మిర్లు వస్తున్నాయా? లోపం ఇదే కావచ్చు.. జర జాగ్రత్త.!

కాళ్లు, చేతులు తిమ్మిర్లు సాధారణంగా అందరికీ వచ్చే ఒక రకమైన సమస్య. లేచి కాస్త అటూ ఇటూ నడిస్తే సరిపోతుంది. ఒకటి రెండు నిమిషాల్లో కోలుకోవచ్చు. కండరాల్లో రక్త ప్రసారం జరుగకపోవడం వల్ల ఈ సమస్య వస్తుంది. కానీ ఇది ఎక్కువగా ఉంటే మాత్రం వైద్యుడిని సంప్రదించాల్సిందే. తిమ్మిరులు దాదాపు ప్రతి 10 మందిలో 7 మందికి వస్తుందంటున్నారు డాక్టర్లు. కొందరికి నిద్రిస్తున్న సమయంలో, కూర్చున్నప్పుడు ఇలాంటి పరిస్థితి ఎదురవుతుంది. అసలు ఇది ఎందుకు వస్తుంది? దీనిని అధిగమించడం ఎలాగో తెలుసుకుందాం.

రాత్రిపూట కాలు తిమ్మిర్లు రావడానికి కారణాలు అసలు కారణం విటమిన్ బి12 లోపంగా చెబుతున్నారు వైద్యులు. దీని తీవ్రత క్రమంగా పెరిగి కాళ్ళ నొప్పి వస్తుంది. విటమిన్ బి12 లోపంతో చాలా మంది ఇబ్బంది పడుతున్నారు. బి12 అంటే ఒక రకమైన బ్యాక్టీరియా. ఇది మన శరీరంలో సాధారణంగానే వృద్ది చెందుతుంది. దీని లోపం తలెత్తినప్పుడు మోకాళ్ల నొప్పులు తలెత్తుతాయి. ఈ లోపాన్ని ఎలాంటి మందులు, ఇంజక్షన్లు అవసరం లేకుండానే అధిగమించవచ్చు. యువకులు అయితే రోజుకు 2.4 మైక్రోగ్రాముల విటమిన్ బి12 తీసుకోవాలి. లేకపోతే, శరీరం క్రమంగా బలహీనపడుతుంది. దీని కారణంగా, రుచి, వాసన కోల్పోవడం, జ్ఞాపకశక్తి కోల్పోవడం, ఆలోచనా శక్తి లేపోవడం జరుగుతుంది. అయితే బి12 సహజంగా ఎలా దొరుకుందో చూద్దాం.

మాంసాహారం తీసుకోవడం వల్ల విటమిన్ బి12 పుష్కలంగా లభిస్తుంది. ముఖ్యంగా మేక, గొర్రెల్లో అధికశాతం ఈ బి12 ఉంటుంది. సీఫుడ్, చేపలు, గుడ్లలో కూడా పుష్కలంగా ఉంటుంది. ఇక శాకాహారులు అయితే ఆకు కూరలు, పుట్టగొడుగులు తీసుకోవడం వల్ల ఈ లోపాన్ని అధిగమించవచ్చు. పాలు, పెరుగు, జున్ను లేదా పులిసిన మజ్జిగలో కూడా బి12 లభిస్తుంది. పిస్తా, బాదం వంటి డ్రై ఫ్రూట్స్‎లో కూడా అధికంగా ఉంటుంది. అంతేకాదు నీటిలో కూడా బి12 ఉంటుంది. అందుకే పుష్కలంగా మంచి నీటిని తాగడం అన్ని విధాలా మంచిదంటున్నారు నిపుణులు.