Video: ఇదెక్కడి వింత.. ఔట్ అనుకుని సంబరపడ్డ బౌలర్.. కట్‌చేస్తే.. అంపైర్ చేసిన పనికి అవాక్కైన ఆటగాళ్లు..!

Rashid Khan Umpire Incident: సమర్సెట్ వర్సెస్ గ్లామోర్గాన్ జట్ల మధ్య జరిగిన కౌంటీ ఛాంపియన్‌షిప్ డివిజన్ వన్ మ్యాచ్‌లో ఈ ఆసక్తికర ఘనట చోటుచేసుకుంది. గ్లామోర్గాన్ రెండో ఇన్నింగ్స్ ఆడుతున్న సమయంలో, సమర్సెట్ బౌలర్ క్రెయిగ్ ఓవర్టన్ (చెన్నై సూపర్ కింగ్స్ ఆటగాడు జేమీ ఓవర్టన్ సోదరుడు) అద్భుతమైన బంతిని వేశాడు. ఆ బంతి బ్యాటర్ ర్యాన్ హాడ్లీ ప్యాడ్లను బలంగా తాకడంతో బౌలర్, ఫీల్డర్లు గట్టిగా అప్పీల్ చేశారు.

సరిగ్గా అదే సమయంలో అంపైర్ తన చేయి పైకి లేపారు. అంపైర్ చేయి ఎత్తగానే అది అవుట్ అని భావించిన ఓవర్టన్, ఎంతో ఉత్సాహంతో గట్టిగా అరుస్తూ సంబరాలు చేసుకోవడం మొదలుపెట్టాడు. కానీ, అంపైర్ వేలు చూపించి అవుట్ ఇవ్వలేదు, కేవలం తన తలపై ఉన్న టోపీని సర్దుకోవడానికి మాత్రమే చేయి పైకి ఎత్తారు. నిజం తెలుసుకున్న ఓవర్టన్ ఒక్కసారిగా నిశ్చేష్టుడయ్యాడు.

గతంలో రషీద్ ఖాన్ విషయంలోనూ ఇలాగే..

ఇలాంటి వింత అనుభవం ఎదురవ్వడం ఇదే మొదటిసారి కాదు. గతంలో బిగ్ బాష్ లీగ్ మ్యాచ్‌లో అడిలైడ్ స్ట్రైకర్స్ తరపున ఆడుతున్న రషీద్ ఖాన్ విషయంలో కూడా ఇలాంటిదే జరిగింది. ఒక ఎల్బీడబ్ల్యూ (LBW) అప్పీల్ సమయంలో అంపైర్ తన చేయి పైకి లేపి, అవుట్ ఇచ్చే బదులు ముక్కును రుద్దుకోవడం ప్రారంభించారు. దీంతో రషీద్ ఖాన్ ఎంతో ఆశ్చర్యానికి గురయ్యాడు. అంపైర్ల ఇలాంటి సరదా చర్యలు ఒక్కోసారి ఆటగాళ్లలో తీవ్ర అసహనాన్ని, మరికొన్ని సార్లు నవ్వును కలిగిస్తాయి.

సమర్సెట్‌పై గ్లామోర్గాన్ విజయం..

SCENES IN COUNTY CHAMPIONSHIP. 😅

– Craig Overton thought he got the wicket, but the umpire raised his hand just to adjust his hat. pic.twitter.com/76BBYQZVJy

— Sheri. (@CallMeSheri1_) May 11, 2026

ఈ మ్యాచ్ ఫలితం విషయానికి వస్తే, గ్లామోర్గాన్ జట్టు సమర్సెట్‌పై ఘన విజయం సాధించింది. ఒకానొక దశలో 134 పరుగులకే 5 వికెట్లు కోల్పోయి కష్టాల్లో ఉన్న గ్లామోర్గాన్‌ను ర్యాన్ హాడ్లీ, సీన్ డిక్సన్ అద్భుత భాగస్వామ్యంతో ఆదుకున్నారు. డిక్సన్ 76 పరుగులు చేయగా, హాడ్లీ 220 కంటే ఎక్కువ బంతులు ఎదుర్కొని 50 పరుగులతో అజేయంగా నిలిచి జట్టును గెలిపించాడు. సమర్సెట్ తరపున క్రెయిగ్ ఓవర్టన్, మిగేల్ ప్రిటోరియస్ క్రమశిక్షణతో బౌలింగ్ చేసి ఏడు వికెట్లు పడగొట్టినప్పటికీ, అది వారి జట్టును ఓటమి నుంచి తప్పించలేకపోయింది.