మూత్ర విసర్జన చేసేటప్పుడు మంటగా అనిపిస్తుందా..? వామ్మో.. ఈ 4 వ్యాధులకు సంకేతం కావొచ్చు..

మూత్ర విసర్జన చేసేటప్పుడు మంట లేదా నొప్పి అనిపిస్తే దానిని విస్మరించడం ప్రమాదకరం. చాలా సార్లు ప్రజలు దీనిని ఒక చిన్న సమస్యగా భావించి అశ్రద్ధ చేస్తుంటారు.. కానీ ఇది తీవ్రమైన వ్యాధులకు సంకేతం కూడా కావచ్చు. మూత్ర విసర్జన చేసేటప్పుడు మంట అనేది డీహైడ్రేషన్ లేదా ఇన్ఫెక్షన్ వల్ల మాత్రమే కాదు.. ఇది మూత్రపిండాల సమస్యలు, మూత్ర నాళాల ఇన్ఫెక్షన్ (UTI), మధుమేహం వంటి వ్యాధుల ప్రారంభ లక్షణం కూడా కావచ్చని.. ఈ విషయంలో జాగ్రత్తగా ఉండాలని వైద్య నిపుణులు హెచ్చరిస్తున్నారు.

మూత్ర విసర్జన సమయంలో మంట సమస్య కొనసాగితే, వెంటనే వైద్యుడిని సంప్రదించాలని ఆరోగ్య నిపుణులు సూచిస్తున్నారు. మూత్ర విసర్జన సమయంలో మంట ఈ నాలుగు తీవ్రమైన వ్యాధుల గురించి హెచ్చరిస్తుంది.. ఆ వ్యాధులు ఏంటి..? వైద్య నిపుణులు ఏం చెబుతున్నారు.. ఈ విషయాలను తెలుసుకోండి..

యూరినరీ ట్రాక్ట్ ఇన్ఫెక్షన్ (UTI): యూరినరీ ట్రాక్ట్ ఇన్ఫెక్షన్ అనేది ఒక సాధారణ సమస్య.. ఇది మహిళల్లో ఎక్కువగా కనిపిస్తుంది. బ్యాక్టీరియా మూత్ర నాళంలోకి ప్రవేశించినప్పుడు ఇది జరుగుతుంది. దీని లక్షణాలు మూత్ర విసర్జన చేసేటప్పుడు మంట, నొప్పి, తరచుగా మూత్ర విసర్జన, దుర్వాసన లేదా మూత్రంలో మబ్బుగా ఉండటం లేదా పొత్తి కడుపులో నొప్పి.. లాంటివి కనిపిస్తాయి.. ఈ లక్షణాలు కనిపిస్తే, మూత్ర పరీక్ష చేయించుకోండి. ఈ ఇన్ఫెక్షన్‌ను యాంటీబయాటిక్స్‌తో చికిత్స చేయవచ్చు.

కిడ్నీ ఇన్ఫెక్షన్ లేదా రాళ్ళు: మూత్ర విసర్జన చేసేటప్పుడు మంటతో పాటు నడుము కింది భాగంలో నొప్పి అనిపిస్తే, అది కిడ్నీ ఇన్ఫెక్షన్ లేదా కిడ్నీల్లో రాళ్ల సంకేతం కావచ్చు. దీని లక్షణాలు మూత్రంలో రక్తం, జ్వరం, చలి, వికారం, వాంతులు లేదా మూత్ర విసర్జన చేసేటప్పుడు నొప్పి.. అయితే.. మూత్రపిండాల సమస్యలను నివారించడానికి, ఎక్కువ నీరు త్రాగండి.. సమయానికి మూత్రపిండాల అల్ట్రాసౌండ్ చేయించుకోండి.

లైంగికంగా సంక్రమించే వ్యాధులు (STDలు): లైంగికంగా సంక్రమించే వ్యాధులు (STDలు) మూత్ర విసర్జన చేసేటప్పుడు మంటను కూడా కలిగిస్తాయి. దీని లక్షణాలు జననేంద్రియాలలో దురద లేదా మంట, అసాధారణ స్రావం లేదా మూత్ర విసర్జన సమయంలో నొప్పి. ఈ ఇన్ఫెక్షన్ నివారించడానికి, సురక్షితమైన లైంగిక చర్యను ఆచరించండి.. ఈ లక్షణాలు కనిపిస్తే వెంటనే వైద్యుడిని సంప్రదించండి.

డయాబెటిస్: డయాబెటిస్‌లో రక్తంలో చక్కెర పెరుగుదల మూత్ర నాళంలో బ్యాక్టీరియా పెరుగుదలకు కారణమవుతుంది.. ఇది మూత్ర విసర్జన సమయంలో మంటను కలిగిస్తుంది. దీని లక్షణాలు అధిక దాహం, తరచుగా మూత్రవిసర్జన, అలసట లేదా బలహీనత. ఈ లక్షణాలు కనిపిస్తే, వెంటనే రక్తంలో చక్కెర పరీక్ష చేయించుకోండి.

మరిన్ని హెల్త్ వార్తల కోసం ఇక్కడ క్లిక్ చేయండి..