Rambutan Fruit: ఈ పండు తింటే ఎముకలు గట్టిగా అవుతాయి..! ఇంకా ఎన్ని లాభాలో తెలుసా..?

ఈ పండులో విటమిన్ సి చాలా ఎక్కువగా ఉంటుంది. ఈ విటమిన్ శరీరంలో రోగనిరోధక శక్తిని పెంచుతుంది. శరీరాన్ని వైరస్‌ లు, బ్యాక్టీరియాల నుండి కాపాడుతుంది. మామూలుగా వచ్చే దగ్గు, జలుబు లాంటి చిన్న సమస్యలు రాంబుటాన్ తినడం వల్ల తగ్గుతాయి.

ఈ పండులో రెండు రకాల పీచు పదార్థాలు ఉంటాయి.. నీటిలో కరిగేది, కరగనిది. ఇవి పేగుల పనితీరును మెరుగుపరిచి మలబద్ధకాన్ని తగ్గిస్తాయి. అంతేకాక ఈ పీచు పదార్థాలు ఆహారాన్ని నెమ్మదిగా జీర్ణం అయ్యేలా చేస్తాయి. దీని వల్ల శరీరానికి మంచి శక్తి, పోషణ అందుతుంది.

రాంబుటాన్‌ లో ఉండే కాల్షియం, ఫాస్ఫరస్ లాంటి ఖనిజాలు ఎముకల నిర్మాణానికి చాలా అవసరం. ఇవి ఎముకల బలాన్ని పెంచడమే కాకుండా వృద్ధాప్యంలో వచ్చే ఎముకల సమస్యల నుంచి కూడా రక్షణ ఇస్తాయి. పిల్లల పెరుగుదలలో ఈ పండు ఎంతో సహాయపడుతుంది.

విటమిన్ సి, యాంటీ ఆక్సిడెంట్లు చర్మంలో ఉండే వృద్ధాప్య లక్షణాలను తగ్గిస్తాయి. ముడతలు తగ్గించి చర్మానికి సహజమైన ప్రకాశాన్ని ఇస్తాయి. జుట్టు విషయానికొస్తే ఇందులో ఉండే ఐరన్ జుట్టు ఊడిపోవడాన్ని తగ్గించి దృఢమైన నిగనిగలాడే జుట్టు పెరుగుదలకు తోడ్పడుతుంది.

రాంబుటాన్ పండు పొటాషియం ద్వారా రక్తపోటును నియంత్రించడంలో సహాయపడుతుంది. ఇది రక్తనాళాలను సడలించి గుండెపై ఒత్తిడిని తగ్గిస్తుంది. ఇందులో ఉండే ఫైబర్ చెడు కొలెస్ట్రాల్ స్థాయిని తగ్గించి గుండె ఆరోగ్యాన్ని మెరుగుపరచడంలో సహాయపడుతుంది.

ఈ పండులో సహజమైన చక్కెరలు ఉండటం వలన శరీరానికి వెంటనే శక్తిని అందిస్తుంది. ఉదయాన్నే వ్యాయామం చేసే వారికి.. పని ఒత్తిడిలో రోజంతా చురుకుగా ఉండాలి అనుకునే వారికి ఇది మంచి అల్పాహారంగా పని చేస్తుంది.

బయట ముళ్లతో కనిపించినా రాంబుటాన్ లోపల ఆరోగ్యానికి అద్భుతమైన నిధి. దీన్ని సరైన పరిమాణంలో తింటే.. ఇది సహజంగా రోగ నిరోధక శక్తి నుంచి జీర్ణశక్తి, చర్మం నుంచి గుండె ఆరోగ్యం వరకు అన్నింటినీ బలోపేతం చేస్తుంది.