KGF Chapter2: ఖండాంతరాలు దాటుతోన్న కేజీఎఫ్‌ ఖ్యాతి.. ఆ దేశంలో ప్రదర్శించిన తొలి కన్నడ చిత్రంగా అరుదైన రికార్డు..

KGF Chapter2: ఇప్పటి వరకు యశ్‌ సినిమా దాదాపు రూ. 1130 కోట్లను రాబట్టిందని ట్రేడ్‌ నిపుణులు చెబుతున్నారు. కాగా ఓవర్సీస్‌లోనూ ఈ సినిమా రికార్డులు కొల్లగొడుతోంది. తాజాగా ఈ థ్రిల్లింగ్‌ యాక్షన్‌ సినిమా మరో అరుదైన గుర్తింపును అందుకుంది.

KGF chapter 2

Updated on: May 09, 2022 | 10:28 PM

KGF Chapter2: కన్నడ రాకింగ్‌ స్టార్‌ (yash) హీరోగా నటించిన సినిమా కేజీఎఫ్: చాప్టర్-2 (KGF Chapter 2). ప్రశాంత్ నీల్ (Prashanth Neel) దర్శకత్వం వహించిన ఈ సినిమాలో శ్రీనిధి శెట్టి హీరోయిన్‌గా నటించగా.. సంజయ్‌దత్‌, రవీనా టాండన్‌, రావు రమేష్, ప్రకాష్ రాజ్ తదితరులు కీలక పాత్రలు పోషించారు. గతనెల ఏప్రిల్‌14న విడుదలైన ఈ సినిమా బాక్సాఫీస్ వద్ద సంచలన విజయం సాధించింది. ప్రపంచవ్యాప్తంగా భారీ వసూళ్లను రాబడుతూ కలెక్షన్లలో కొత్త రికార్డులు సృష్టిస్తోంది. ఇప్పటి వరకు యశ్‌ సినిమా దాదాపు రూ. 1130 కోట్లను రాబట్టిందని ట్రేడ్‌ నిపుణులు చెబుతున్నారు. కాగా ఓవర్సీస్‌లోనూ ఈ సినిమా రికార్డులు కొల్లగొడుతోంది. తాజాగా ఈ థ్రిల్లింగ్‌ యాక్షన్‌ సినిమా మరో అరుదైన గుర్తింపును అందుకుంది. అదేంటంటే.. దక్షిణ కొరియా రాజధాని సియోల్‌ (Seoul)లో కేజీఎఫ్: చాప్టర్-2 చిత్రాన్ని ప్రదర్శించారు. ఈ క్రమంలో దక్షిణకొరియాలో ప్రదర్శితమైన తొలి కన్నడ చిత్రంగా యశ్‌ సినిమా అరుదైన రికార్డు సృష్టించింది.

దీంతో పాటు కరోనా మహమ్మారి అనంతరం దక్షిణ కొరియా దేశంలో విడుదలయిన తొలి ఇండియన్ సినిమాగా కేజీఎఫ్‌2 అరుదైన ఘనతను దక్కించుకుంది. కన్నడతో పాటు హిందీ వెర్షన్‌లను కూడా సౌత్ కొరియాలో ఒకేసారి ప్రదర్శించారు. కాగా బాలీవుడ్లోనూ సంచలనాలు సృష్టిస్తోన్న కేజీఎఫ్‌ అత్యధిక వసూళ్లు సాధించిన సినిమాల్లో రెండో స్థానానికి ఎగబాకిఇంది. ఈ సినిమా హిందీ వెర్షన్ వసూళ్లు ఇప్పటికే 400 కోట్లను దాటాయి. మొదటి స్థానంలో ప్రభాస్‌, రాజమౌళిల బాహుబలి- 2 ఉంది.

ఇవి కూడా చదవండి

Language was never a barrier for him, he showed it to Indian Cinema Now the craze reached outside the country as well#KGFChapter2 got a special screening in south Korea ? Proud moment for us ❤️ #YashBOSS #TeamYash @TheNameIsYash #KGF2inKorea #KGF2 pic.twitter.com/EpRz7eJM8z

— Team Yash FC (@TeamYashFC) May 8, 2022