సమ్మర్లో ఇంట్లో బల్లుల సమస్యకు చెక్… ఈ నేచురల్ టిప్స్ తప్పక ట్రై చేయండి
ఎండాకాలం మొదలు కాగానే బల్లులు, చీమలు, ఈగలు వంటి కీటకాల బెడద పెరుగుతుంది. ఈ చిరాకు కలిగించే కీటకాలను ఇంటి నుండి దూరం చేయడానికి సహజమైన, సులభమైన పద్ధతులున్నాయి. కర్పూరం వాసన చీమలు, బల్లులను తరిమికొడుతుంది. అలాగే, ఉల్లిపాయ, వెల్లుల్లి రసం స్ప్రే చేయడం వల్ల ఈగలు, ఇతర కీటకాలు ఇంట్లోకి రావు. ఈ చిట్కాలతో వేసవిలో మీ ఇంటిని కీటకాలు లేకుండా శుభ్రంగా ఉంచుకోండి.
Updated on: Mar 05, 2026 | 1:05 PM
ఎండాకాలం మొదలైంది. మార్చి మొదటి వారంలోనే వాతావరణం వేడెక్కింది. ఉదయం నుంచే సూర్యుడి భగ్గుమంటూ వెలుగుతున్నాడు. ఋతువులు మారుతున్న కొద్దీ, మన చుట్టూ కొన్ని మార్పులు కూడా జరగడం ప్రారంభిస్తాయి. వాటిలో ఒకటి వేసవిలో బల్లి పిల్లలు, చీమలు, ఈగలు ఇంటి చుట్టూ ఎక్కువగా తిరుగుతూ ఉంటాయి. కొన్నిసార్లు ఇంట్లో కూడా బల్లి కనిపించినప్పటికీ, వేసవిలో దాని పిల్లలు కూడా తిరుగుతుంటాయి. దీంతో చాలా మంది చిరాకు, కంపరానికి గురవుతుంటారు. మీరు దీన్ని నివారించాలనుకుంటే మీ ఇంట్లో బల్లులు తిరగకుండా ఉండాలనుకుంటే, కొన్ని ఉపాయాలు పాటించటం మంచిది. వీటిని వెంటనే మొదలుపెట్టేయండి…
కర్పూరం వాసన మనకు ఆకర్షణీయంగా అనిపించినప్పటికీ, చీమలు దానిని అస్సలు ఇష్టపడవు. అందువల్ల, కర్పూరం సహాయంతో, చీమలను ఇంటి నుండి తరిమికొట్టవచ్చు. రోజుకు కనీసం ఒక్కసారైనా కిటికీ లేదా తలుపు దగ్గర కర్పూరం కాల్చండి. ఇది బయటి నుండి చీమలు, బల్లి పిల్లలు వంటివి మీ ఇంట్లోకి ప్రవేశించకుండా నిరోధిస్తుంది. అలాగే, మీ ఇంట్లో చీమలు, బల్లులు ఎక్కువగా కనిపించే ప్రదేశాలలో కర్పూరం మాత్రలను ఉంచండి. ఇది మీకు బెస్ట్ ఉపాయం.
మీ ఇంటి నుండి ఈగలను శాశ్వతంగా వదిలించుకోవడానికి ఉల్లిపాయ, వెల్లుల్లి కూడా చాలా ప్రభావవంతంగా ఉంటాయి. ఈ నివారణను పాటించటం కోసం 8 నుండి 10 వెల్లుల్లి రెబ్బలు, 1 మధ్య తరహా ఉల్లిపాయను మిక్సర్లో రుబ్బుకోవాలి. ఆ తరువాత, వాటిని సన్నని గుడ్డ ద్వారా వడకట్టి దాని రసాన్ని తీయండి. ఈ రసాన్ని స్ప్రే బాటిల్లో నింపి వారానికి ఒకసారి చీమలు, బల్లులు కనిపించే ప్రదేశాలపై, అలాగే కిటికీ, తలుపు ఫ్రేములపై పిచికారీ చేయండి. ఉల్లిపాయ, వెల్లుల్లిలో ఉండే సల్ఫర్ కీటకాలను దూరంగా ఉంచుతుంది. మీరు ఈ రసంలో కొంచెం మిరియాల పొడిని కూడా కలపొచ్చు. సల్ఫర్ వాసనతో పాటు, మిరియాల ఘాటు చీమలు, బల్లులకు మరింత చికాకు కలిగిస్తుంది.
మరిన్ని హ్యుమన్ ఇంట్రెస్ట్ వార్తల కోసం క్లిక్ చేయండి..
