K.G.F: Chapter 2: కేజీఎఫ్ ఛాప్టర్ 2 నుంచి మరో పాట.. ఆకట్టుకుంటున్న ‘ఎదగరా’ సాంగ్

నిన్నటివరకు దేశవ్యాప్తంగా ఉన్న సినీ లవర్స్ అంతా ఆసక్తిగా ఆర్ఆర్ఆర్(RRR) సినిమా కోసం ఎదురుచూశారు. అందరు ఊహించినట్టే ఈ సినిమా రిలీజ్ అయ్యి భారీ హిట్ ను అందుకుంది. ప్రేక్షకుల అంచనాలకు ఏమాత్రం తగ్గకుండా తెరకెక్కించారు దర్శక ధీరుడు. ఇక ఇప్పుడు మరో సినిమా కోసం ప్రేక్షకులు ఆతృతగా ఎదురుచూస్తున్నారు. అదే కేజీఎఫ్ 2(K.G.F: Chapter 2). కేజీఎఫ్ మొదటి పార్ట్ సాధించిన విజయం గురించి ప్రత్యేకంగా చెప్పాల్సిన అవసరం లేదు. పాన్ ఇండియా మూవీగా రిలీజ్ అయిన కేజీఎఫ్ సినిమా విడుదలైన అన్ని భాషల్లో భారీ విజయాన్ని అందుకుంది. ఈ సినిమాతో కన్నడ స్టార్ హీరో యశ్ అన్ని భాషల్లో క్రేజ్ సొంతం చేసుకున్నాడు. ప్రశాంత్ నీల్ దర్శకత్వంలో తెరకెక్కిన ఈ యాక్షన్ ఎంటర్టైనర్ కు ఇప్పుడు సీక్వెల్ తెరకెక్కుతుంది. భారీ క్రేజీ చిత్రాల‌కు కేరాఫ్ అడ్ర‌స్‌గా నిలుస్తోన్న ప్ర‌ముఖ నిర్మాణ సంస్థ హోంబ‌లే ఫిలింస్ ఈ చిత్రాన్ని నిర్మిస్తుంది. కేజీఎఫ్ ఛాప్టర్1  పాన్ ఇండియా రేంజ్ బాక్సాఫీస్ దగ్గ‌ర క్రియేట్ చేసిన సెన్సేష‌న్‌ను ఇప్పుడే ఎవ‌రూ మ‌ర‌చిపోలేం.

ఇప్పటికే ఈ సినిమానుంచి విడుదలైన తుఫాన్ పాట, ట్రైలర్ సంచలన రెస్పాన్స్ ను సొంతం చేసుకుంది. కేజీఎఫ్ మొదటి పార్ట్ కు మించి ఈ సినిమా ఉండబోతుందని ట్రైలర్ చూస్తుంటే అర్ధమవుతుంది. తాజాగా ఈ సినిమానుంచి మరో పాటను విడుదల చేశారు చిత్రయూనిట్. కేజీఎఫ్ 2 నుంచి ఎదగర అంటూ సాగే పాటను రిలీజ్ చేశారు చిత్రయూనిట్. అమ్మ ప్రేమకు అద్దం పట్టేలా ఈ పాట సాగింది. రామజోగయ్య శాస్త్రి రచించిన ఈ పాటను సుచేత బస్రూర్ ఆలపించారు. ఇప్పటివరకు వచ్చిన అప్డేట్స్ తో సెకండ్ పార్ట్‌పై భారీ హైప్స్ క్రియేట్ అయ్యాయి. ఆ అంచ‌నాల‌ను మించేలా భారీ బ‌డ్జెట్‌, స్టార్ క్యాస్టింగ్‌, హై టెక్నిక‌ల్ వేల్యూస్‌తో కేజీఎఫ్ ఛాప్టర్ 2 సినిమాను రూపొందించారు మేక‌ర్స్‌. కేజీఎఫ్ ఛాప్టర్ 2 చిత్రాన్ని ఏప్రిల్ 14న విడుద‌ల చేయ‌బోతున్న‌ట్లు ఇప్ప‌టికే హోంబ‌లే ఫిలింస్ ప్ర‌క‌టించిన సంగ‌తి తెలిసిందే.

మరిన్ని ఇక్కడ చదవండి : 

Akkineni Naga Chaitanya: స్పీడ్ పెంచిన నాగచైతన్య.. డైరెక్టర్ వెంకట్ ప్రభు దర్శకత్వంలో చైతూ..

Aamna Sharif: డిఫరెంట్ ఫోజులతో మెస్మరైజ్ చేస్తున్న ఆమ్నా షరీఫ్.. ఫిదా అవుతున్న ఫ్యాన్స్

Ram Charan: అయ్యప్ప దీక్షలో అమృత సర్‌లో ల్యాండ్ అయిన రామ్ చరణ్.. నెక్స్ట్ సినిమా షూటింగ్‌తో బిజిబిజీ