Kushi: ఆలస్యం అవుతోన్న విజయ్ దేవరకొండ “ఖుషి”.. కారణం ఇదేనా
క్రేజీ హీరో విజయ్ దేవరకొండ ప్రస్తుతం వరుస సినిమాలతో ఫుల్ బిజీగా ఉన్న విషయం తెలిసిందే. రీసెంట్ గా లైగర్ సినిమాతో ప్రేక్షకుల ముందుకు వచ్చిన విషయం తెలిసిందే.
క్రేజీ హీరో విజయ్ దేవరకొండ ప్రస్తుతం వరుస సినిమాలతో ఫుల్ బిజీగా ఉన్న విషయం తెలిసిందే. రీసెంట్ గా లైగర్ సినిమాతో ప్రేక్షకుల ముందుకు వచ్చాడు ఈ యంగ్ హీరో. ఈ సినిమా తర్వాత ఖుషి(Kushi) అనే అందమైన ప్రేమకథతో రాబోతున్నాడు విజయ్. టాలెంటెడ్ డైరెక్టర్ శివ నిర్వాణ దర్శకత్వంలో తెరకెక్కుతోన్న ఈ సినిమాలో సమంత హీరోయిన్ గా నటిస్తోంది. ఇప్పటికే ఈ సినిమా షూటింగ్ జెట్ స్పీడ్ తో జరుగుతోంది. ఈ సినిమాను డిసెంబర్ లో ప్రేక్షకుల ముందుకు వస్తుందని ముందే ప్రకటించారు మేకర్స్. కాశ్మీర్ నేపథ్యంలో ఈ సినిమాను రూపొందిస్తున్నాడు దర్శకుడు శివ నిర్వాణ. ఇప్పటికే ఈ సినిమా నుంచి విడుదలైన మోషన్ పోస్టర్ సినిమా పై ఆసక్తిని క్రియేట్ చేసింది. అయితే ఈ సినిమా అనుకున్న టైంకి రిలీజ్ కాదన్న టాక్ వినిపిస్తోంది.
ఖుషి సినిమా డిసెంబర్ లో ప్రేక్షకుల ముందుకు రావడం కష్టమే అంటున్నారు. దానికి కారణం ఏంటంటే.. ఇప్పటికే ఖుషి సినిమా షూటింగ్ చాలా వరకు పూర్తయింది. అయితే సమంతకు సంబంధించిన సన్నివేశాలు చిత్రీకరించాల్సి ఉందట. అయితే సామ్ ఇతర ప్రాజెక్ట్స్ తో బిజీగా ఉండటంతో ఆమె పాల్గొనాల్సిన సన్నివేశాల షూటింగ్ లేట్ అవుతుందట. దాంతో ఈ సినిమా వెనక్కి వెళ్లే అవకాశం ఉందని తెలుస్తోంది. ప్రస్తుతం సమంత తెలుగు, తమిళ్ తోపాటు హిందీలోనూ సినిమాలు చేస్తోంది. బ్యాక్ టు బ్యాక్ సినిమాలతో బిజీగా ఉన్న సామ్.. ఖుషి సినిమాకు డేట్స్ అడ్జెస్ట్ చేయలేకపోతుందని అంటున్నారు. మరి ఈ వార్తల్లో వాస్తవమెంత అన్నది తెలియాల్సి ఉంది.
మరిన్ని సినిమా వార్తల కోసం క్లిక్ చేయండి..
