Game Changer: రామ్ చరణ్ గేమ్ చేంజర్‌ రిలీజ్ వాయిదా పడనుందా..? కారణం ఇదేనా..?

ఈ మధ్యే తండ్రి పోస్ట్‌కు ప్రమోట్‌ అయిన మెగా పవర్‌ స్టార్‌ రామ్ చరణ్‌, షార్ట్ బ్రేక్ తరువాత సినిమాల మీద ఫోకస్ చేయాలని ఫిక్స్ అయ్యారు. అయితే ఆల్రెడీ ట్రిపులార్‌ తరువాత చాలా గ్యాప్ రావటంతో నెక్ట్స్ మూవీ విషయంలో పర్ఫెక్ట్ ప్లానింగ్‌తో రెడీ అవుతున్నారు. ట్రిపులార్ సెట్స్ మీద ఉండగానే శంకర్ దర్శకత్వంలో గేమ్ చేంజర్‌ను స్టార్ట్ చేశారు మెగా పవర్ స్టార్ రామ్ చరణ్‌. భారీ బడ్జెట్‌ పాన్ ఇండియా సినిమా కావటంతో ఈ సినిమా కోసం ఆ రేంజ్‌లోనే టైమ్‌ కూడా తీసుకుంటున్నారు. దాదాపు రెండేళ్ల షూటింగ్ షెడ్యూల్స్ ప్లాన్ చేసిన యూనిట్ 2024 సంక్రాంతికి సినిమాను రిలీజ్ చేసేందుకు ముహూర్తం ఫిక్స్ చేసింది. కానీ ఇండియన్‌ 2 వివాదాలు సెటిల్ అవ్వటంతో శంకర్‌ రెండు సినిమాల ప్రయాణం మొదలు పెట్టారు. ఆ ఎఫెక్ట్ గేమ్ చేంజర్‌ మీద కూడా పడింది. చరణ్ సినిమా షూటింగ్ డిలే అవుతోంది. దీంతో రిలీజ్ ఎప్పుడన్న విషయంలో క్లారిటీ రావటం లేదు.

గేమ్ చేంజర్‌ను వీలైనంత త్వరగా ఫినిష్ చేసి నెక్ట్స్ సినిమా మీద ఫోకస్ చేయాలని ఫిక్స్ అయ్యారు చెర్రీ. ఆల్రెడీ ఉప్పెన ఫేం బుచ్చిబాబు దర్శకత్వంలో ఓ సినిమా ఎనౌన్స్ చేశారు చరణ్. ఆ మూవీని ఈ ఏడాది చివర్లో పట్టాలెక్కించేందుకు రెడీ అవుతున్నారు.

డిసెంబర్‌ కల్లా షూటింగ్ స్టార్ట్ చేస్తే నెక్ట్స్ ఇయర్ దసరాకు సినిమాను రిలీజ్ చేయవచ్చన్నది చెర్రీ స్కెచ్‌. వచ్చే ఏడాది సమ్మర్‌లో గేమ్ చేంజర్‌ రిలీజ్ అయినా.. మరో నాలుగు నెలల్లోనే మరో మూవీని రిలీజ్ చేసేలా పక్కా ప్లాన్ రెడీ చేస్తున్నారు. మరి స్కెచ్‌ ఎంత వరకు వర్కవుట్ అవుతుందో చూడాలి.