Mahesh Babu: సూపర్ స్టార్ సినిమాలో నెక్స్ట్ లెవల్‌లో విలనిజం.. మహేష్ కోసం రంగంలోకి ఆ సీనియర్ నటుడు

సూపర్ స్టార్ మహేష్ బాబు నటిస్తోన్న లేటెస్ట్ మూవీ కోసం ఫ్యాన్స్ అంతా ఈగర్ గా ఎదురుచూస్తున్నారు. మహేష్ ప్రస్తుతం త్రివిక్రమ్ దర్శకత్వంలో సినిమా చేస్తోన్న విషయం తెలిసిందే. ఈ సినిమా హై ఓల్టేజ్ యాక్షన్ ఎంటర్టైనర్ గా తెరకెక్కుతోన్న విషయం తెలిసిందే. ఇప్పటికే ఈ సినిమానుంచి విడుదలైన ఫస్ట్ లుక్ పోస్టర్ ప్రేక్షకులను విపరీతంగా ఆకట్టుకుంది. చాలా కాలం తర్వాత మరోసారి మహేష్ మాస్ పాత్రలో అలరించనున్నాడని అర్ధమవుతోంది. దాదాపు 12 ఏళ్ల తర్వాత మహేష్ బాబు, త్రివిక్రమ్ కాంబినేషన్ లో సినిమా రానుంది. ఇక ఈ సినిమాలో పవర్ ఫుల్ విలన్ గా వర్సటైల్ యాక్టర్ జగపతి బాబు నటించనున్నారు.

ఇక ఈ సినిమాలో విలనిజం నెక్ట్స్ లెవల్ లో ఉంటుందని తెలుస్తోంది. మహేష్– జగపతి బాబు కాంబినేషన్ లో వచ్చే సీన్స్ ప్రేక్షకుల చేత విజిల్స్ కొట్టిస్తాయని తెలుస్తున్నాయి. ఈ ఇద్దరి మధ్య వచ్చే సీన్స్‌ను దర్శకుడు త్రివిక్రమ్ అద్భుతంగా తెరకెక్కిస్తున్నారట.

ఇక గతంలో వచ్చిన ఎన్టీఆర్ అరవింద సమేత సినిమాలో జగపతిబాబును బసిరెడ్డి పాత్రలో చూపించారు త్రివిక్రమ్. ఇప్పుడు మహేష్ బాబు  సినిమాలో జగపతి బాబు పాత్ర అంతకు మించి ఉంటుందని తెలుస్తోంది. ప్రకాష్ రాజ్, రమ్యకృష్ణ, జయరాం కూడా కీలక పాత్రలో నటిస్తున్నారట. ప్రస్తుతం ఈ మూవీ షూటింగ్ శరవేగంగా జరుగుతోంది. ఓ భారీ సెట్ లో యాక్షన్ సీన్స్ షూటింగ్ చేస్తున్నారట. ఇక ఈ సినిమాలో పూజ హెగ్డే, శ్రీలీల హీరోయిన్స్ గా నటిస్తోన్న విషయం తెలిసిందే.