Balakrishna: బాలయ్య సినిమాలో స్టెప్పులేయనున్న అందాల యాంకరమ్మ.. ఏ మూవీలో అంటే
అఖండ లాంటి సంచలన విజయం తర్వాత నటసింహం నందమూరి బాలకృష్ణ నటిస్తున్న సినిమా NBK 107. ప్రస్తుతం ఇదే వర్కింగ్ టైటిల్ తో తెరకెక్కుతోన్న ఈ సినిమాకు గోపీచంద్ మలినేని దర్శకత్వం వహిస్తున్నారు.
Updated on: Sep 20, 2022 | 9:59 AM
అఖండ లాంటి సంచలన విజయం తర్వాత నటసింహం నందమూరి బాలకృష్ణ( Balakrishna)నటిస్తున్న సినిమా NBK 107. ప్రస్తుతం ఇదే వర్కింగ్ టైటిల్తో తెరకెక్కుతోన్న ఈ సినిమాకు గోపీచంద్ మలినేని దర్శకత్వం వహిస్తున్నారు. అఖండ సినిమాలో బాలయ్యను చూపించిందానికంటే పవర్ ఫుల్ గా ఈ సినిమాలో చూపించబోతున్నారు గోపీచంద్ మలినేని. రీసెంట్ గా క్రాక్ సినిమాతో హిట్ అందుకున్న ఈ టాలెంటెడ్ డైరెక్టర్ బాలయ్య కోసం అదిరిపోయే కథను రెడీ చేశాడని తెలుస్తోంది. శ్రుతిహాసన్ హీరోయిన్ గా నటిస్తున్న ఈ సినిమాలో కీలక పాత్రలో వరలక్ష్మీ శరత్ కుమార్ కనిపించనున్నారు. ఇప్పటికే విడుదలైన ఈ సినిమా పోస్టర్లు ప్రేక్షకులను ఆకట్టుకున్నాయి. ఈ సినిమాలో బాలయ్య రెండు డిఫరెంట్ షేడ్స్ ఉన్న పాత్రలో నటించనున్నారని తెలుస్తోంది. ప్రస్తుతం ఈ సినిమా షూటింగ్ శరవేగంగా జరుగుతోంది. ఈ సినిమా తర్వాత నిల్ రావిపూడి దర్శకత్వంలో సినిమా చేస్తున్నారు బాలయ్య.
ఇటీవలే ఎఫ్ 3 సినిమాతో హిట్ అందుకున్న అనిల్.. బాలయ్య కోసం ఓ ఇంట్రెస్టింగ్ కథను రెడీ చేస్తున్నారట. ఈ సినిమాలో బాలకృష్ణ వయసుమల్లిన పాత్రలో అలాగే యువకుడి పాత్రలో కనిపించనున్నారట. యాక్షన్ తోపాటు అనిల్ స్టైల్ కామెడీ కూడా ఉండనుందని తెలుస్తోంది. అయితే ఈ సినిమాలో ఓ స్పెషల్ సాంగ్ కోసం అందాల భామ అనసూయను అనుకుంటున్నారట. ఇప్పటికే యాంకర్ గా చేస్తూనే పలు సినిమాల్లో నటించింది అనసూయ. అలాగే స్పెషల్ సాంగ్స్ లోకూడా ఆకట్టుకుంది. ఇప్పుడు బాలయ్యతో కలిసి స్టెప్పులేయనుందని అంటున్నారు. చూడాలి మరి ఈ వార్తల్లో వాస్తవమెంత అన్నది.
