Suriya: టాలీవుడ్ డైరెక్టర్‌తో సూర్య.. హీరోయిన్స్‌గా ఇద్దరు హాట్ బ్యూటీలు

సౌత్ ఇండస్ట్రీలోని టాప్ హీరోలలో సూర్య ఒకరు. ఇటీవలే కంగువ సినిమాతో అడియన్స్ ముందుకు వచ్చాడు. భారీ అంచనాల మధ్య విడుదలైన ఈ సినిమా బాక్సాఫీస్ వద్ద డిజాస్టర్ అయ్యింది. ప్రస్తుతం చేతినిండా సినిమాలతో బిజీగా ఉన్నారు. సూర్య అసలు పేరు శరవణన్ శివకుమార్. కానీ అతడి పేరును డైరెక్టర్ మణిరత్నం సూర్యగా మార్చారు.

Surya

Rajeev Rayala |

Updated on: Mar 12, 2025 | 8:28 PM

స్టార్ హీరో సూర్య చివరిగా కంగువ సినిమాతో ప్రేక్షకుల ముందుకు వచ్చాడు. భారీ అంచనాల మధ్య విడుదలైన ఈ సినిమా ఆశించిన స్థాయిలో ప్రేక్షకులను ఆకట్టుకోలేకపోయింది. ఈ సినిమా నిరాశపరచడంతో అభిమానులు ఇప్పుడు సూర్య నెక్స్ట్ సినిమా పై అంచనాలు పెట్టుకున్నారు. ప్రస్తుతం సూర్య ‘రెట్రో’, సూర్య 45 సినిమాలకు కమిట్ అయ్యాడు. కార్తీక్ సుబ్బరాజ్ దర్శకత్వం వహిస్తున్న చిత్రం ‘రెట్రో’. ఈ చిత్రంలో ఆయన సరసన టాలీవుడ్ హిట్ హీరోయిన్ పూజా హెగ్డే నటిస్తుంది. ఈ సినిమా షూటింగ్ పూర్తయి, పోస్ట్ ప్రొడక్షన్ పనులు జరుగుతున్నాయి. సంతోష్ నారాయణన్ సంగీతం అందిస్తున్న ఈ చిత్రం మే 1, 2025న విడుదల కానుంది. ఈ సినిమా తర్వాత, ఆర్జే బాలాజీ దర్శకత్వంలో సూర్య 45వ సినిమా భారీ స్థాయిలో నిర్మాణంలో ఉంది.

ఇది కూడా చదవండి :ఎన్టీఆర్ పాటకు అదిరిపోయే స్టెప్పులేసిన చిట్టి.. ఫరియా అబ్దుల్లా అదరగొట్టిందిగా..

ఈ సినిమాలో సూర్య ద్విపాత్రాభినయం చేస్తున్నాడని కూడా తెలుస్తుంది. ఈ సినిమా షూటింగ్ నవంబర్ 2024లో ప్రారంభమైంది. ప్రస్తుతం హైదరాబాద్‌లోని రామోజీ ఫిల్మ్స్ సిటీలో ఈ సినిమా షూటింగ్ శరవేగంగా జరుగుతోంది. ఈ సినిమా తర్వాత సూర్య వాడివాసల్ సినిమాలో నటించనున్నట్లు చెబుతున్నారు. అలాగే సూర్య టాలీవుడ్ లోకి అడుగుపెట్టనున్నాడని తెలుస్తుంది.

ఇవి కూడా చదవండి

ఇది కూడా చదవండి: ఈమెను మించిన హాట్ బ్యూటీ ఉంటుందా..! చేసింది రెండు సినిమాలు.. ఒకొక్క మూవీకి అందుకుంటుంది రూ.3 కోట్లు

టాలీవుడ్ దర్శకుడు వెంకీ అట్లూరి దర్శకత్వంలో సినిమా చేస్తున్నాడని తెలుస్తుంది.అయితే ఈ సినిమా గురించిన ఓ ఇంట్రెస్టింగ్ టాపిక్ ఇంటర్నెట్‌లో చక్కర్లు కొడుతుంది. సూర్యతో పాటు ఇద్దరు హీరోయిన్లు ఈ చిత్రంలో నటించనున్నట్లు పేర్కొంటూ కొత్త అప్‌డేట్ విడుదలైంది. హీరోయిన్లు నటి భాగ్యశ్రీ, నిధి అగర్వాల్ ఈ సినిమాలో నటిస్తున్నారని. వెంకీ అట్లూరి డైరెక్షన్ లో వచ్చిన సార్, లక్కీ భాస్కర్ సినిమాలు మంచి విజయం సాధించాయి. కాగా ఇప్పుడు సూర్యతో వెంకీ సినిమా చేస్తున్నారు. త్వరలోనే ఈ సినిమా గురించి అప్డేట్స్ బయటకు రానున్నాయి.