నాకు చెప్పిన కథ వేరు.. అందుకనే ఉప్పెన సినిమాను వదులుకున్నా.. అసలు విషయం చెప్పిన క్రేజీ బ్యూటీ

మెగా కాంపౌండ్ నుంచి ఎందరో హీరోలు ఇండస్ట్రీలోకి అడుగుపెట్టిన విషయం తెలిసిందే కానీ అందరిలో తాను ప్రత్యేకం అని నిరూపించుకున్నాడు వైష్ణవ్ తేజ. వైష్ణవ్ తేజ్‌ హీరోగా.. కృతి శెట్టి హీరోయిన్‌గా.. సనా బుచ్చిబాబు డైరెక్షన్లో వచ్చిన చిత్రం ‘ఉప్పెన’. ఈ సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు.

Uppena

Rajeev Rayala |
Updated on: Mar 11, 2025 | 2:54 PM

చిన్న సినిమా వచ్చిన ఉప్పెన ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. సుకుమార్ శిష్యుడు బుచ్చిబాబు సన దర్శకత్వంలో వచ్చిన ఈ సినిమా సూపర్ హిట్‌గా నిలిచింది. ఈ సినిమాతో మెగా ఫ్యామిలీ నుంచి మరో హీరో పరిచయం అయ్యాడు. సాయి ధరమ్ తేజ్ తమ్ముడు వైష్ణవ్ తేజ్ ఉప్పెన సినిమాతో హీరోగా పరిచయం అయ్యాడు. ఈ సినిమా ఏకంగా 100కోట్లు వసూల్ చేసి రికార్డ్ క్రియేట్ చేసింది. డెబ్యూ హీరో సినిమా 100 కోట్లు వసూల్ చేయడం అంటే మాములు విషయం కాదు. ఇక ఈ సినిమాతో కృతిశెట్టి హీరోయిన్ గా పరిచయం అయ్యింది. ఈ మంగుళూరు బ్యూటీ తొలి సినిమాతోనే ప్రేక్షకులను ఆకట్టుకుంది. క్యూట్ స్మైల్ తో పాటు తన నటనతో ప్రేక్షకులను మెప్పించింది. అలాగే మక్కల్ సెల్వన్ విజయ్ సేతుపతి సినిమాలో నెగిటివ్ రోల్‌లో నటించి మెప్పించారు.

ఇదిలా ఉంటే ఉప్పెన సినిమాను ఓ క్రేజీ హీరోయిన్ మిస్ చేసుకుందని మీకు తెలుసా.. అవుతూ ఉప్పెన సినిమా ఆఫర్ ముందుగా ఓ హీరోయిన్ దగ్గరకు వెళ్ళింది కానీ ఆతర్వాత కృతి శెట్టి దగ్గరకు వచ్చింది ఆ సినిమా.. ఉప్పెన సినిమాను మిస్ చేసుకున్న హీరోయిన్ ఎవరో కాదు సీనియర్ హీరో రాజశేఖర్ కుమార్తె శివాని రాజశేఖర్. ఉప్పెన సినిమా ఆఫర్ వచ్చిందని ఆమె స్వయంగా ఓ ఇంటర్వ్యూలో తెలిపింది.

శివాని ఓ ఇంటర్వ్యూలో మాట్లాడుతూ.. నాకు ఉప్పెన సినిమా ఆఫర్ వచ్చింది. అయితే ఈ సినిమా కథ ముందుగా రాసుకుందానికి ఇప్పుడు తీసిందానికి చాలా తేడా ఉంది. ముందుగా కథను బోల్డ్ గా రాశారు. నాకు కథ చెప్పినప్పుడు అదే బోల్డ్ స్టోరీ చెప్పారు. అందులో లిప్ లాక్స్ , అలాగే మరికొన్ని కూడా ఉన్నాయి. నేను అప్పుడు అంతగా కంఫర్ట్ గా ఫీల్ అవ్వలేదు. నాకు భయం మేసింది. ఇప్పుడు కూడా ఇంటిమెంట్ సీన్ చేయాలంటే నన్ను కన్విన్స్ చేయాలి.. నేను ఎంతవరకు ఆ సీన్స్ చేయగలనో చెప్పలేను అని చెప్పుకొచ్చింది శివాని. దానివల్లే తాను ఉప్పెన సినిమా ఆఫర్ వదులుకున్నాను అని తెలిపింది.