Rajamouli: జక్కన్నకు ఘన స్వాగతం పలికిన ఆదివాసీలు.. గాలిబుడగల థియేటర్లో ఆర్ఆర్ఆర్ మూవీ చూసిన రాజమౌళి..

కొమురం భీం జిల్లా ఆసిఫాబాద్ జిల్లాకు చేరుకున్నారు దర్శకధీరుడు రాజమౌళి (Rajamouli). జిల్లాలోని జన్కాపురంలో పిక్చర్ ట్యూబ్ సంస్థ

Rajamouli

Rajitha Chanti |
Updated on: Apr 12, 2022 | 1:24 PM

కొమురం భీం జిల్లా ఆసిఫాబాద్ జిల్లాకు చేరుకున్నారు దర్శకధీరుడు రాజమౌళి (Rajamouli). జిల్లాలోని జన్కాపురంలో పిక్చర్ ట్యూబ్ సంస్థ ఏర్పాటు చేసిన గాలిబుడగల థియేటర్‏ను సందర్శిస్తానని చెప్పిన జక్కన్న.. ఈరోజు ఉదయం ఆసిఫాబాద్ జిల్లాకు పయణమయ్యారు. ఆయనకు జిల్లాలోని ఆదివాసీలు.. కొమురంభీం వారసులు ఘన స్వాగతం పలికారు. ఆదివాసీ గుస్సాడీ నృత్యాలతో.. సంప్రదాయబద్దంగా జక్కనకు స్వాగతం పలికారు జిల్లా అడిషనల్ కలెక్టర్ వరుణ్ రెడ్డి, సమాఖ్య సంగం సభ్యులు. కొమురం భీం ఫోటోకు నివాళులర్పించి.. అనంతరం జిల్లా కేంద్రంలో మహిళా జిల్లా సమాఖ్య ఆధ్వర్యంలో నిర్మించిన పిక్చర్ ట్యూబ్ సినిమా థియేటర్‏ను సందర్శించిన రాజమౌళి అందులోనే ప్రేక్షకులతో కలిసి ఆర్ఆర్ఆర్ (RRR) మూవీ వీక్షించారు.

ఆర్ఆర్ఆర్ సినిమాతో ప్రపంచవ్యాప్తంగా బాక్సాఫీస్ దగ్గర ప్రభంజనం సృష్టించారు జక్కన్న. ఇద్దరూ స్టార్ హీరోలు రామ్ చరణ్, ఎన్టీఆర్‏తో కలిసి చరిత్రలో ఎప్పుడూ కలవని ఇద్దరూ వీరుల మధ్య స్నేహాన్ని ఎంతో అద్భుతంగా చూపించారు రాజమౌళి. ఇందులో చరణ్ అల్లూరి సీతారామారాజుగా.. తారక్.. గోండు వీరుడు కొమురం భీమ్ పాత్రలో నటించి అదరగొట్టారు. మార్చి 25న విడుదలైన ఈ మూవీ ప్రపంచవ్యాప్తంగా వెయ్యి కోట్లకు పైగా వసూళ్లు సాధించి గత రికార్డులను తిరిగరాస్తోంది. ఈ మూవీ విడుదలై రెండు వారాలు పూర్తైన థియేటర్లలో ఆర్ఆర్ఆర్ ప్రభంజనం కొనసాగుతోంది. ఈ క్రమంలోనే కొమురం జిల్లా ఆసిపాబాద్ జిల్లాలోని జన్కాపురంలో పిక్చర్ ట్యూబ్ సంస్థ ఏర్పాటు చేసిన గాలిబుడగల థియేటర్‏ను సందర్శించారు. దీనిని ఢిల్లీకి చెందిన పిక్చర్ టైం అంకుర సంస్థ అధునాత సాంకేతిక బెలూర్ పరిజ్ఞానంతో నిర్మించింది. దాదాపు 120 మంది ప్రేక్షకుల సామర్థ్యం గల దీని నిర్మాణానికి జిల్లా మహిళ సమాఖ్య, సినిమాటోగ్రఫీ విభాగం రూ. 50 లక్షల ఆర్థిక సహయం అందించాయి. ఎంత గాలి వీచిన చెక్కు చెదరకుండా ఉండేలా రూపొందించిన ఈ థియేటర్ లో ఏసీ, సౌండ్ సిస్టమ్‏తో మల్టీప్లెక్స్‏ను తలపించేలా నిర్మించారు. ఈ థియేటర్లో జక్కన్న తెరకెక్కించిన ఆర్ఆర్ఆర్ మూవీ ప్రదర్శిస్తున్నారు. అతి తక్కువ వ్యయంతో నిర్మించిన ఈ థియేటర్ గురించి తెలుసుకున్న జక్నన్న ఫోన్ చేసి ఆయనే స్వయంగా థియేటర్ ను చూస్తానని చెప్పారు.