NBK107: మొదలైన బాలయ్య 107వ సినిమా.. సిరిసిల్లలో షూటింగ్ ప్రారంభం..!

Nandamuri Balakrishna: అఖండ లాంటి బ్లాక్‌బ‌స్ట‌ర్ సినిమా త‌ర్వాత బాల‌కృష్ణ, ద‌ర్శ‌కుడు గోపిచంద్ మ‌లినేని కాంబినేష‌న్‌లో సినిమా షూటింగ్ మొదలైంది.

Nandamuri Balakrishna Gopichand Malineni Mythri Movie Makers Nbk107

Venkata Chari |
Updated on: Feb 19, 2022 | 5:45 AM

Nandamuri Balakrishna 107 Movie: అఖండ లాంటి బ్లాక్‌బ‌స్ట‌ర్ సినిమా త‌ర్వాత న‌టిసింహా నంద‌మూరి బాల‌కృష్ణ(Balakrishna) హీరోగా, డైరెక్టర్ గోపిచంద్ మ‌లినేని కాంబోలో కొత్త సినిమా ప్రారంభం అయింది. ఈ సినిమా బాల‌య్య‌107(Balayya107)వ సినిమాగా రానుంది. ప‌క్కా మాస్ క‌మ‌ర్షియ‌ల్‌గా ఈ సినిమా భారీగా రూపుదిద్దుకోనుంది. ఈ సినిమా మైత్రి మూవీ మేక‌ర్స్ ప్ర‌తిష్టాత్మ‌కంగా నిర్మించనుంది. ఈ సినిమా రెగ్యుల‌ర్ షూటింగ్ శుక్రవారం తెలంగాణలోని సిరిసిల్ల జిల్లాలో‌ మొదలైంది. శుక్రవారం మొదలైన ఈ సినిమా.. ఓ భారీ యాక్ష‌న్ ఎపిసోడ్‌తో మొదలుపెట్టారు. ఇందులో ఫైటర్స్‌తో బాలయ్య బాబు యాక్షన్ ఎపిసోడ్ తీశారు. రామ్-లక్ష్మణ్ మాస్టర్స్ ఈ యాక్షన్ ఎపిసోడ్‌కు కొరియోగ్రఫీ చేశారు.

మాస్ హీరోతో మాస్ ద‌ర్శ‌కుడు కలిసి తీస్తోన్న ఈ సినిమా ఫ్యాన్స్‌కి ఫుల్ మీల్స్ ఇవ్వనున్నట్లు తెలుస్తోంది. ఈ సినిమా యదార్థ సంఘటనల ఆధారంగా నిర్మిస్తోన్నట్లు డైరెక్టర్ గోపీచంద్ మలినేని పేర్కొన్నారు. ఈ సినిమాలో బాలయ్య బాబు స‌ర‌స‌న శృతి హాస‌న్ కథనాయికిగా నటిస్తోంది. ఈ మాస్ సినిమాలో విలన్‌గా క‌న్న‌డ న‌టుడు దునియా విజ‌య్ టాలీవుడ్‌‌కు పరిచయం అవుతున్నాడు. ఈ సినిమాలో ఓ కీలక పాత్రలో వరలక్ష్మీ నటించనుంది.

న‌వీన్ ఎర్నేని, వై. ర‌వి శంక‌ర్ సంయుక్తంగా ఈ సినిమాను తీస్తున్నారు. అలాగే ఈ సినిమాకు తమన్ మ్యూజిక్‌ను అందిస్తుండగా, మాటలు సాయి మాధవ్ బుర్రా, సినిమాటోగ్రఫర్ రిషీ పంజాబీ, ఎడిటర్‌గా నవీన్ నూలీ వ్య‌వ‌హ‌రిస్తున్నారు.