Tirumala: ‘ఈ స్వామిని చూస్తే చాలు.. నా బాధలన్నీ పోతాయ్’.. తిరుమల శ్రీవారి సేవలో బిగ్ బాస్ బ్యూటీ.. ఫొటోస్ వైరల్
వీలు దొరికినప్పుడల్లా తిరుమల శ్రీవారిని దర్శించుకునే ఈ టాలీవుడ్ నటి తాజాగా మరోసారి వెంకటేశ్వర స్వామిని దర్శించుకుంది. సంప్రదాయ వస్త్రధారణలో స్వామి వారి సేవలో పాల్గొని మొక్కలు తీర్చుకుంది.అనంతరం తన తిరుమల పర్యటనకు సంబంధించిన ఫొటోలను సోషల్ మీడియలో షేర్ చేసింది.
Updated on: Jun 21, 2025 | 5:25 PM
తిరుమల శ్రీవారి మహత్యం గురించి ప్రత్యేకంగా చెప్పక్కర్లేదు. సాక్ష్యాత్తూ వెంకటేశ్వర స్వామి కొలువైన ఈ ప్రాంతాన్ని పరమ పవిత్రంగా భావిస్తారు భక్తులు. అందుకే సమయం దొరికినప్పుడల్లా శ్రీవారిని దర్శించుకుంటారు. కేవలం సామాన్యులే కాదు వివిధ రంగాలకు చెందిన పలువురు ప్రముఖులు కూడా వెంకటేశ్వర స్వామిని దర్శించుకుని మొక్కులు తీర్చుకుంటారు. ఇలా తిరుమల శ్రీవారి భక్తుల జాబితాలో ఈ టాలీవుడ్ ప్రముఖ నటి కూడా ఉంది. గతంలో పలు సార్లు ఏడుకొండల స్వామిని దర్శించుకున్న ఈ అందాల తార తాజాగా మరోసారి తిరుమల శ్రీవారి సేవలో పాల్గొంది. సంప్రదాయ వస్త్రధారణలో స్వామి వారి సేవలో పాల్గొని మొక్కులు తీర్చుకుంది. అనంతరం సరదాగా తిరుమల మాడ వీధుల్లో కలియ తిరిగింది. కనిపించిన భక్తులందరితో కలిసి సరదాగా సెల్ఫీలు, ఫొటోలు దిగింది. తన తిరుమల పర్యటనకు సంబంధించిన ఫొటోలను సోషల్ మీడియాలో షేర్ చేసిన ఈ ముద్దుగుమ్మ ఒక ఎమోషనల్ నోట్ పెట్టింది.
‘ప్రపంచంలో ఉండటానికి ఉత్తమమైన ప్రదేశం ఇది. నాకెప్పుడైనా ఒక చిన్న బాధ ఒచ్చినా ఎక్కువ బాధ పడే టైం ఇవ్వకుండా తానా దగ్గరకి పిలుచుకుంటాడు శ్రీ వేంకటేశ్వర స్వామి. ఈ స్వామిని చూసిన వెంటనే నా బాధలు కష్టాలు అన్నీ తొలగిపోతాయి. నేను నటిని అయినప్పటి నుంచి, ఇప్పటి వరకు ప్రతి కోరిక నేను ఇక్కడ తిరుపతి లోనే కోరుకున్నాను. స్వామికి ఎప్పటికీ కృతజ్జురాలిని. ఇంకొన్ని కోరికలు ఉన్నాయి.. అవి నెరవేరే వరకు కోరికలు ఎవరికి చెప్పకూడదు అంటారు’ అని రాసుకొచ్చిందీ టాలీవుడ్ బ్యూటీ.ప్రస్తుతం ఈ టాలీవుడ్ నటి ఫొటోలు నెట్టింట వైరలవుతున్నాయి. ఇంతకీ ఆమె ఎవరని అనుకుంటున్నారు? బిగ్ బాస్ ఫేమ్ దివి వైద్య.
తిరుమలలో దివి వైద్య..
View this post on Instagram
బిగ్ బాస్ రియాల్టి షోతో బాగా పాపులరైన దివి ఈ మధ్య ఎక్కువగా సినిమాల్లోనే కనిపిస్తోంది. సన్నీడియోలో హీరోగా నటించిన బాలీవుడ్ సినిమా జాట్ లో కానిస్టేబుల్ పాత్రలో ఆకట్టుకుందీ అందాల తార. అంతకు ముందు బాలకృష్ణ డాకు మహారాజ్, అల్లు అర్జున్ పుష్ప2, మెగాస్టార్ చిరంజీవి గాడ్ ఫాదర్, మహేష్ బాబు మహర్షి, నయీం డైరీస్ తదితర సినిమాల్లోనూ మెరిసిందీ ముద్దుగుమ్మ.
సినిమాలతో పాటు సోషల్ మీడియాలోనూ ఫుల్ యాక్టివ్ గా ఉంటుంది బిగ్ బాస్ దివి. ఎప్పటికప్పుడు తన లేటెస్ట్ గ్లామరస్ అండ్ బ్యూటిఫుల్ ఫొటోలు, వీడియోలను అందులో షేర్ చేస్తుంటుంది. వీటికి నెటిజన్ల నుంచి కూడా మంచి స్పందన వస్తుంటుంది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి..
