The Kerala Story: 5 రోజుల్లోనే 50 కోట్ల క్లబ్‌లోకి.. ‘ది కేరళ స్టోరీ’ మైండ్ బ్లోయింగ్ కలెక్షన్లు..

ఎన్నో వివాదాల నడుమ.. మరెన్నో అల్లర్ల నడుమ.. దేశవ్యాప్తంగా విడుదలైన ‘ది కేరళ స్టోరీ’ సినిమా.. బాక్సాఫీస్ దగ్గర వసూళ్ల వర్షం కురిపిస్తోంది. కొన్ని రాష్ట్రాల్లో ఈ సినిమాపై బ్యాన్‌, పార్షల్ బ్యాన్ లాంటి అస్త్రాలు ప్రయోగించినా.. కలెక్షన్స్‌లో దూసుకుపోతూనే ఉంది. ఓవరాల్‌గా.. ఇండియన్ బాక్సాఫీస్ దగ్గర సూపర్ డూపర్ హిట్ అనే టాక్ తెచ్చుకోవడమే కాదు.. జస్ట్ 5 రోజుల్లోనే.. 50 కోట్ల క్లబ్‌లోకి అడుగుపెట్టేసింది కేరళ స్టోరీ సినిమా..!

ఎస్.! సుదీప్తో సేన్ దర్శకత్వంలో.. అదా శర్మ లీడ్‌ రోల్‌లో తెరకెక్కిన ‘ది కేరళ స్టోరీ’ సినిమా.. రోజు రోజుకూ.. తన కలెక్షన్స్‌ను పెంచేసుకుంటోంది. ఈ సినిమాకు వ్యతిరేకంగా.. వివాదాలు చుట్టుముడుతున్నా.. అల్లర్లు చెలరేగుతున్నా.. కలెక్షన్స్‌లో దూకుడుగా.. దూసుకుపోతోంది. ఇక మే 5 న రిలీజ్ అయిన ఈ సినిమా.. ఫస్డ్ డే రూ. 8 కోట్లను వసూలు చేయగా.. రెండు రోజు దానికి మించేలా.. రూ. 11.22 కోట్లను రాబట్టింది.

ఇక మూడో రోజు రూ. 16.40 కోట్లు.. కలెక్ట్ చేసిన ఈ సినిమా… నాలుగో రోజు రూ. 10.07 కోట్లు.. ఐదో రోజు రూ. 11.14 కోట్లు తెచ్చుకుంది. ఇక ఈ మొత్తాన్ని కలిపి చూస్తే.. వరల్డ్ వైడ్‌గా ఈ సినిమా రూ. 56.86 కోట్లు కలెక్ట్ చేసింది. అందర్నీ ఒక్కసారిగా షాకయ్యేలా చేసింది. ప్రొడ్యూసర్లకు లాభాల పంట పండిస్తూనే… ఇండియన్ బాక్సాఫీస్ దగ్గర సూపర్ డూపర్ హిట్ మూవీగా ట్యాగ్ తెచ్చుకుంది.