Tanikella Bharani: అతడు చేసిన పనికి 18 సినిమాల్లో ఛాన్స్ పోయింది.. ఒక్క మూవీ కోసమే అదంతా.. కానీ చివరకు.. తనికెళ్ల భరణి..
ప్రముఖ నటుడు, రచయిత , దర్శకుడు తనికెళ్ళ భరణి ఒక ఇంటర్వ్యూలో తన సినీ జీవితానికి సంబంధించిన పలు ఆసక్తికరమైన విషయాలు పంచుకున్నారు. తన జీవితంలో ఒక సినిమా కోసం దాదాపు 18 చిత్రాల వరకు అవకాశాలు వదిలేసుకున్నానని వెల్లడించారు. అందుకుగల కారణాలను సైతం తెలిపారు. ఇంతకీ ముందు కోలీవుడ్ స్టార్ హీరో విక్రమ్లతో తనకున్న అనుబంధాన్ని ఆయన గుర్తుచేసుకున్నారు.
Updated on: May 21, 2026 | 6:45 PM
ప్రముఖ నటుడు, రచయిత తనికెళ్ళ భరణి దర్శకుడు మణిరత్నంతో తన సుదీర్ఘ అనుబంధం, పొన్నియన్ సెల్వన్ చిత్రానికి ఆయన చేసిన కృషి గురించి ఒక ఇంటర్వ్యూలో వెల్లడించారు. శ్రావంతి మూవీస్తో తనకున్న సంబంధం వల్ల సుహాసిని ద్వారా మణిరత్నంతో పరిచయం ఏర్పడిందని భరణి వివరించారు. సుహాసిని పెళ్లి సమయంలో వాయుదూత్లో ప్రయాణిస్తున్నప్పుడు ఆమె మణిరత్నంను పెళ్లి చేసుకుంటున్నానని చెప్పగా, తాను సంతోషించినట్లు గుర్తు చేసుకున్నారు. పెళ్లి తర్వాత మణిరత్నం శ్రావంతి మూవీస్ కార్యాలయానికి తరచుగా వస్తూ ఉండేవారని, ఆ పరిచయంతోనే శ్రావంతి మూవీస్ నాయకుడు చిత్రాన్ని డబ్ చేసి పెద్ద విజయం సాధించిందని తెలిపారు. మణిరత్నం అభిమానిగా, ఒకానొక సందర్భంలో ఆయన చిత్రంలో నటించే అవకాశం తనికెళ్ళ భరణికి లభించింది. దయామయుడు సినిమా షూటింగ్ నిమిత్తం హైదరాబాద్లో ఉన్నప్పుడు, మణిరత్నం కార్యాలయం నుండి కారు వచ్చి దళపతి చిత్రంలో రజనీకాంత్ సరసన సారాయి కాంట్రాక్టర్ పాత్రకు ఆహ్వానించారు. అప్పట్లో తన వయస్సు 24-25 సంవత్సరాలు మాత్రమేనని, మణిరత్నం 50-60 ఏళ్ళ వయస్సున్న పాత్ర కోసం చూస్తున్నందున ఆ అవకాశం చేజారిందని భరణి తెలిపారు. కృత్రిమ విగ్గులు వాడటం ఇష్టం లేదని మణిరత్నం చెప్పడంతో, ఆ గొప్ప అవకాశం చేజారిందని చాలా కాలం బాధపడినట్లు ఆయన వెల్లడించారు.
ఎక్కువ మంది చదివినవి : Jr.NTR : ఎన్టీఆర్ ఎక్కువగా వినే పాట ఇది.. నిజంగా జీవితం మొత్తాన్ని కళ్లు ముందు చూపించే సాంగ్.. యూట్యూబ్లో ట్రెండింగ్..
అయితే, భరణి కెరీర్లో ఒక పెద్ద మలుపు ఆచార్య సినిమా షూటింగ్ సమయంలో అనూహ్యంగా వచ్చింది. చిరంజీవితో ఒక సీన్ చేస్తున్నప్పుడు, మణిరత్నం కార్యాలయం నుండి పిలుపు వచ్చింది. పొన్నియన్ సెల్వన్ చిత్రానికి తెలుగు సంభాషణలు రాయమని మణిరత్నం స్వయంగా భరణిని కోరారు. చాలా ఏళ్లగా రచనా రంగానికి దూరంగా ఉన్నందున భరణి తొలుత సంశయించినా, మణిరత్నం కోరిక మేరకు అంగీకరించారు. మణిరత్నం పొన్నియన్ సెల్వన్ను విశ్వనాథ సత్యనారాయణ గారి వేయిపడగలు వంటి క్లాసిక్గా అభివర్ణించారని, ఆ పుస్తకాలు కొనేందుకు జనం రైల్వే ప్లాట్ఫారాలపై క్యూలో నిలిచేవారని, హ్యారీ పోటర్ వంటి అంతర్జాతీయ వైభవాన్ని ఆనాడే చూసిందని భరణి తెలిపారు.
ఎక్కువ మంది చదివినవి : Tollywood : ప్రకాష్ రాజ్ సినిమాలో ఛాన్స్ అన్నారు.. ఐదుగురికి కమిట్మెంట్ అడిగారు.. టాలీవుడ్ నటి..
ఒక నెలలో తెలుగు సంభాషణలు పూర్తి చేయాలని మణిరత్నం గడువు విధించారు. దీని కోసం కొన్ని సినిమాలను వదులుకోవాల్సి వచ్చిందని, తన శిష్యులు జనార్ధన మహర్షి, శివలతో కలిసి ఒక నెలలో సంభాషణలు పూర్తి చేశానని భరణి వివరించారు. గ్రాంథికంగా కాకుండా, సామాన్య ప్రజలకు అర్థమయ్యే విధంగా సంభాషణలు రాశారు. ఆ తర్వాత రీడింగ్ సెషన్లో మణిరత్నం కేవలం 10-15 చిన్నచిన్న కరెక్షన్లు మాత్రమే చెప్పారని తెలిపారు. జయరాం పాత్రకు తెలుగు డబ్బింగ్ చెప్పడానికి భరణిని కోరారు. మొదట్లో అయిష్టత చూపినప్పటికీ, ఆయన డబ్బింగ్ చేసిన తర్వాత జయరాం స్వయంగా అద్భుతంగా ఉందని ప్రశంసించారని, “ఈసారి మీకు నేషనల్ అవార్డ్ వస్తుంది” అని అన్నారని భరణి గుర్తుచేసుకున్నారు.
ఎక్కువ మంది చదివినవి : Mahesh Babu: మహేష్ బాబును అన్నయ్య అని పిలిచిన ఏకైక హీరోయిన్.. హీరో రియాక్షన్ తెలిస్తే..
