Sreeleela: ఆ క్రేజీ ప్రాజెక్ట్ నుంచి శ్రీలీల అవుట్..? అసలు మ్యాటర్ అదేనా..

అందం, అభినయంతో పాటు తన ఎనర్జీతో ప్రేక్షకులను కవ్వించింది. ఆతర్వాత రవితేజ హీరోగా నటించిన ధమాకా సినిమాలో నటించింది.ఈ సినిమా మంచి విజయాన్ని అందుకుంది. దాంతో శ్రీలీల పేరు మరు మ్రోగింది. ఈ అమ్మడికి బ్యాక్ టు బ్యాక్ సినిమా ఛాన్స్ లు వచ్చాయి. దాంతో వరుసగా సినిమాలు చేసింది శ్రీలీల. యంగ్ హీరోలందరికీ సరసన ఛాన్స్ అందుకుంది ఈ క్రేజీ బ్యూటీ.

Sreeleela

Rajeev Rayala |
Updated on: Jan 28, 2024 | 7:31 AM

రాఘవేంద్ర రావు దర్శకత్వ పర్యవేక్షణ లో వచ్చిన పెళ్లి సందడి సినిమాతో టాలీవుడ్ పరిచయమైంది క్రేజీ బ్యూటీ శ్రీలీల. తొలి సినిమాతోనే కుర్రకారు గుండెలను కొల్లగొట్టేసింది. అందం , అభినయంతో పాటు తన ఎనర్జీతో ప్రేక్షకులను కవ్వించింది. ఆతర్వాత రవితేజ హీరోగా నటించిన ధమాకా సినిమాలో నటించింది.ఈ సినిమా మంచి విజయాన్ని అందుకుంది. దాంతో శ్రీలీల పేరు మరు మ్రోగింది. ఈ అమ్మడికి బ్యాక్ టు బ్యాక్ సినిమా ఛాన్స్ లు వచ్చాయి. దాంతో వరుసగా సినిమాలు చేసింది శ్రీలీల. యంగ్ హీరోలందరికీ సరసన ఛాన్స్ అందుకుంది ఈ క్రేజీ బ్యూటీ. ధమాకా సినిమా తర్వాత అనిల్ రావిపూడి దర్శకత్వం వహించిన భగవంత్ కేసరి సినిమాలో నటించింది. ఈ సినిమా కూడా మంచి విజయం సాధించింది.

ఆ వెంటనే శ్రీలీల వరుస సినిమాలతో దూసుకుపోయింది. స్కంద, ఆదికేశవ, ఎక్స్‌ట్రా ఆర్డినరీ మ్యాన్,గుంటూరు కారం సినిమాల్లో హీరోయిన్ గా నటించింది. అయితే వీటిలో గుంటూరు కారం సినిమాతప్ప మిగిలినవన్నీ అశ్నించిన స్థాయిలో ఆకట్టుకోలేకపోయాయి. ఇదిలా ఉంటే ఇప్పుడు శ్రీలీల ఓ క్రేజీ ప్రోజెక్ట్ నుంచి తప్పుకుందని తెలుస్తోంది. శ్రీలీల విజయ్ దేవరకొండతో ఓ సినిమా చేయాల్సి ఉంది.

ఇప్పటికే ఈ సినిమాను అనౌన్స్ కూడా చేశారు. విజయ్ దేవరకొండ నటిస్తున్న 12వ సినిమాలో హీరోయిన్ గా శ్రీలీల నటిస్తుందని వార్తలు వచ్చాయి. ఇప్పుడు ఈ సినిమా నుంచి శ్రీలీల తప్పుకుందని తెలుస్తోంది. ఆమె ప్లేస్ లో మరో హీరోయిన్ ను ఎంపిక చేస్తున్నారని తెలుస్తోంది. ఇటీవలే విజయ్ ఖుషి సినిమాతో ప్రేక్షకులను అలరించాడు. ఇప్పుడు ఫ్యామిలీ స్టార్ అనే సినిమాతో రాబోతున్నాడు. ఈ సినిమాకు పరశురామ్ దర్శకత్వం వహిస్తున్నారు.