Vakeel Saab : ‘వకీల్ సాబ్’లాంటి సినిమా రావడం ముఖ్యం.. పవన్ కళ్యాణ్ లాంటివారు చేయడం మరీ ముఖ్యం..

Shruti Haasan about pawan : లోక నాయకుడు కమల్ హాసన్ కూతురుగా సినిమా ఇండస్ట్రీలోకి ఎంట్రీ ఇచ్చింది శృతిహాసన్.  కానీ ఈ అమ్మడికి స్టార్డమ్ మాత్రం అంత సులువుగా రాలేదు. అనగనగా ఒక ధీరుడు సినిమాతో హీరోయిన్ గా మారింది శృతి. ఆ సినిమా బాక్సాఫీస్ దగ్గర నిరాశపరిచింది. ఆతర్వాత పలు సినిమాల్లో నటించిన అన్ని ఆశించినంత విజయాన్ని సొంతం చేసుకోలేక పోయాయి. ఇక పవర్ స్టార్ పవన్ కళ్యాణ్ హరీష్ శంకర్ దర్శకత్వంలో తెరకెక్కిన గబ్బర్ సింగ్ సినిమాతో సంచలన విజయాన్ని అందుకుంది శృతి. ఆతర్వాత ఈ అమ్మడు వెనక్కి తిరిగి చూసుకోవాల్సిన అవసరం రాలేదు. గబ్బర్ సింగ్ సినిమా తర్వాత శృతి  వరుసగా స్టార్ హీరోల సినిమాల్లో నటించి సక్సెస్ అయ్యింది. టాలీవుడ్ లో లక్కీ హీరోయిన్ గా పేరు తెచ్చుకుంది ఈ భామ.

ఇటీవల సినిమాలకు కొంత గ్యాప్ ఇచ్చిన ఈ టాల్ బ్యూటీ తిరిగి మాస్ మహారాజ్ నటించిన ‘క్రాక్’ సినిమాతో సాలిడ్ హిట్ అందుకుంది. ఇక ఇప్పుడు ముచ్చటగా మూడోసారి పవర్ స్టార్ తో జత కడుతుంది . పవన్  కళ్యాణ్ హీరోగా వేణు శ్రీరామ్ దర్శకత్వంలో తెరకెక్కుతున్న సినిమా వకీల్ సాబ్. ఈ సినిమా ఇటీవలే షూటింగ్ ను కంప్లీట్ చేసుకొని రిలీజ్ కు రెడీ అవుతుంది. బాలీవుడ్ లో సూపర్ హిట్ అయిన పింక్ సినిమాకు రీమెక్ గా ఈ సినిమా తెరక్కుతుంది. తాజాగా శృతిహాసన్ ఓ ఇంటర్వ్యూలో మాట్లాడుతూ.. ఆసక్తికర విషయాలను పంచుకున్నారు. వకీల్ సాబ్ సినిమా రావడం చాలా ముఖ్యం. ప్రజలను చైతన్యపరిచే పవర్ స్టార్ పవన్ కళ్యాణ్ లాంటి వారు ఈ సినిమా చేయడం నిజంగా గ్రేట్. పవన్ కళ్యాణ్ లాంటి ప్రజలను ప్రభావితం చేసే వ్యక్తులు సమాజాన్ని చైతన్య పరచాలి అంటూ చెప్పుకొచ్చింది.

మరిన్ని ఇక్కడ చదవండి : 

Chiranjeevi Rare Photo: చిరంజీవి సురేఖ దంపతుల రేర్ ఫోటో.. చిరు భార్య చేతిలోని చిన్నారి ఎవరో తెలుసా..!

Kangana Ranaut: ట్విట్టర్‌ నన్ను చూసి భయపడుతోంది. నేను ఏది మాట్లాడినా అది దేశం కోసమే.. కంగానా ఆసక్తికర వ్యాఖ్యలు.