Mahesh Babu: మరోసారి వెండితెరపై అలనాటి నటి.. మహేష్‏కు పిన్నిగా ఆ హీరోయిన్..

టాలీవుడ్ ఇండస్ట్రీలో అందం, అభినయంతో తనకంటూ ప్రత్యేక స్థానాన్ని ఏర్పర్చుకున్నారు అలనాటి నటి శోభన (Shobhana).

Mahesh

Rajitha Chanti |
Updated on: Feb 21, 2022 | 3:21 PM

టాలీవుడ్ ఇండస్ట్రీలో అందం, అభినయంతో తనకంటూ ప్రత్యేక స్థానాన్ని ఏర్పర్చుకున్నారు అలనాటి నటి శోభన (Shobhana). అక్కినేని నాగార్జున నటించిన విక్రమ్ సినిమా ద్వారా తెలుగు ప్రేక్షకులకు దగ్గరయ్యింది. ఆ తర్వాత రౌడీ అల్లుడు.. మువ్వగోపాలుడు, నారీ నారీ నడుమ మురారీ, రౌడీ గారి పెళ్లాం వంటి సూపర్ హిట్ చిత్రాల్లో నటించి టాప్ హీరోయిన్‏గా కొనసాగింది. ఓవైపు సినిమాల్లో కథానాయికగా నటిస్తూనే మరోవైపు.. నాట్యంలోనూ తన టాలెంట్ నిరూపించుకుంది. శోభన భారతనాట్యంలో శిక్షణ తీసుకుని… దేశవ్యాప్తంగా నృత్య వార్షికోత్సవాలు నిర్వహించింది. 1994లో మణిచిత్రతళు అనే మలయాళ సినిమాకు గానూ ఆమెకు భారత ప్రభుత్వం నుంచి జాతీయ ఉత్తమ నటి పురస్కారం లభించింది.

ఇదిలా ఉంటే.. చాలా కాలం తర్వాత శోభన తిరిగి సినిమాల్లోకి రీఎంట్రీ ఇస్తున్నారు. టాలీవుడ్ ఫిల్మ్ సర్కిల్లో వినిపిస్తున్న సమాచారం ప్రకారం.. మహేష్ బాబు.. త్రివిక్రమ్ కాంబోలో రాబోతున్న సినిమాల్లో శోభన కీలక పాత్రలో నటించనున్నారట. అంటే.. ఇందులో మహేష్ పిన్నీగా శోభన కనిపించనున్నారట. అయితే ఈ విషయం పై ఇప్పటి వరకు అధికారిక ప్రకటన రాలేదు. ప్రస్తుతం మహేష్.. డైరెక్టర్ పరశురామ్ దర్శకత్వంలో సర్కారు వారి పాట సినిమా చేస్తున్నాడు. ఇందులో కీర్తి సురేష్ హీరోయిన్‏గా నటిస్తోంది. ఇప్పటికే ఈ సినిమా నుంచి విడుదలైన పోస్టర్స్, వీడియోస్ మూవీపై అంచనాలను పెంచేశాయి.. ఇక ఇటీవల విడుదలైన కళావతి సాంగ్ యూట్యూబ్‏ను షేక్ చేస్తుంది.