Aamani: సౌందర్య ఫోటోను చూసి నేను తట్టుకోలేకపోయాను.. ఆసక్తికర విషయం తెలిపిన ఆమని

ఒకప్పుడు స్టార్ హీరోయిన్ గా వెలిగి ఇప్పుడు క్యారెక్టరర్టిస్ట్ లుగా రాణిస్తున్న హీరోయిన్స్ చాలా మంది ఉన్నారు. ఆ లిస్ట్ లో ఆమని ఒకరు. అప్పట్లో ఆమనీకి ఫుల్ క్రేజ్ ఉంది. స్టార్ హీరోల సినిమాల్లో నటించి మెప్పించారు. ఫ్యామిలీ ఎంటటైనర్ మూవీస్ లో ఆమని ఆకట్టుకున్నారు. ఇక ఇప్పుడు ఈ సీనియర్ హీరోయిన్ క్యారెక్టర్ ఆర్టిస్ట్ గా సినిమాలు చేస్తున్నారు. అమ్మ, వదిన పాత్రల్లో నటిస్తూ అలరిస్తున్నారు ఆమని. తాజాగా ఒక ఇంటర్వ్యూలో పాల్గొన్న ఆమని ఆసక్తికర విషయాలను పంచుకున్నారు. ఆమె మాట్లాడుతూ.. తన ఇండస్ట్రీలో తన స్నేహితురాలు సౌందర్య గురించి ఎమోషనల్ అయ్యారు.  నన్ను బాగా కలిచివేసింది సంఘటనల్లో సౌందర్య మరణం ఒకటి..  సౌందర్య నేను ఎంతో స్నేహంగా ఉండేవాళ్ళం.

మేము ఇద్దరం కలిసి సినిమాలు కూడా చేశాం. చాలా విషయాలు మాట్లాడుకునేవాళ్ళం. ఇక సౌందర్య చనిపోయిన సమయంలో నేను ఒక సినిమా షూటింగ్ లో ఉన్న. విషయం వినగానే నాకు హార్ట్ ఎటాక్ వచ్చినంత పనైంది. సౌందర్యను అలా చూడటం నా వల్ల కాలేదు.

సౌందర్య కుటుంబాన్ని కలుద్దమని .. ఆమె చనిపోయిన నెల రోజుల తర్వాత వాళ్ళ ఇంటికి వెళ్లాను. సౌందర్య అమ్మను కలిశాను ఆమెతో మాట్లాడాను. సౌందర్య లేని ఆ ఇంటినీ.. తన ఫొటోను అక్కడ పెట్టిన పూలను చూడటం నా వల్ల కాలేదు. కొత్త ఇంట్లోకి మారిన తరువాత ఇంత ఘోరం జరిగిందంటూ.. సౌందర్య తల్లి కన్నీళ్లు పెట్టుకున్నారు అని చెప్తూ ఎమోషనల్ అయ్యారు ఆమని.