Shakuntalam OTT: ఒక్క రోజు ముందే.. ఓటీటీలోకి వచ్చేసిన సమంత ‘శాకుంతలం’.. ఎక్కడ చూడొచ్చునంటే.?

సమంత ప్రధాన పాత్రలో దర్శకుడు గుణశేఖర్ రూపొందించిన పీరియాడికల్ మూవీ ‘శాకుంతలం’. మహాభారతంలోని ప్రేమకథ ఇతివృత్తంగా సాగే ఈ సినిమా ఏప్రిల్ 14న థియేటర్లలోకి విడుదలైంది. పాన్ ఇండియా వైడ్ రిలీజై.. మొదటి ఆట నుంచి ఫ్లాప్ టాక్ తెచ్చుకుంది. బాక్సాఫీస్ దగ్గర కలెక్షన్లలోనూ బోల్తా పడింది. ఇక ఈ చిత్రం ఎప్పుడెప్పుడు ఓటీటీలోకి వస్తుందోనని ఎదురుచూస్తున్న ప్రేక్షకుల కోసం అన్నట్లుగా.. చెప్పిన డేట్ కంటే ముందుగానే ‘శాకుంతలం’ ఓటీటీలోకి వచ్చేసింది.

అమెజాన్ ప్రైమ్ వీడియో వేదికగా ఈ ‘శాకుంతలం’ మూవీ తెలుగుతో పాటు తమిళ, కన్నడ, మలయాళ, హిందీ భాషల్లో స్ట్రీమింగ్ అవుతోంది. వాస్తవానికి ఈ మూవీ మే 12న ఓటీటీలోకి వస్తుందని వార్తలొచ్చాయి. అయితే అంతకంటే ముందే మే 11 నుంచి అమెజాన్ ప్రైమ్ వీడియోలో అందుబాటులోకి వచ్చేసింది. కాగా, ‘శాకుంతలం’ మూవీని రూ. 80 కోట్లతో నిర్మించగా.. కేవలం రూ. 4 కోట్ల కలెక్షన్ల మాత్రమే రాబట్టిన సంగతి తెలిసిందే.

Samantha’s #Shaakuntalam is streaming now on AMAZON PRIME. pic.twitter.com/R9HFKv10Lw

— Christopher Kanagaraj (@Chrissuccess) May 10, 2023